Psalm 45:7 - Edo Bible (E Baibol Ẹdo) Version 1996

⁷ Wẹ ho ẹmwẹ emwi ne ọgbae u keghi khuiwu emwi ne ẹ i maa ọnii ọ re ọ siẹe ne Osanobua awẹ Osanobua ruẹ na hannọ uẹn zẹ ọ na ya ọyẹnmwẹ wẹ uẹ sẹẹ avbe ọba nekpa hia.

Psalm 45:7 ပူးပေါင်းရင်းမြစ်များ

I Ọba 19:16

U ghi vbe ma e Jehu ne ovbi e Nimsi ọba Izrẹl. U ghi rhie Elaisia ne ovbi e Siafat ne ovbi ẹvbo ne a tie ẹre Ebel Mehola u ghi ya ẹe ma akhasẹ ye ihe egbe ruẹ.

Psalm 101:8

Ke ẹdẹ dinna ẹdẹ, mẹ gha fuẹn iran, ighẹ avbe emwa dan ni rre otọe mwa, I gha khulo emwa ọkhọ hia, hin ore nọkhua ọghe Nọyaẹnmwa rre.

Psalm 11:7

Ọmwata ọ re Nọyaẹnmwa khin, ọ ho ẹmwẹ iwinna esi. Iran ni yin vberriọ, gha yin ehe ne ọ ye.

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Psalm 21:6

Afiangbe ruẹ gu ẹe rrọọ rhinrin ẹdẹ. Rẹn vuọn ne oghọghọ rhunmwuda wẹ gu ẹe rre evba.

Psalm 33:5

E Nọyaẹnmwa ho ẹmwẹ emwi ẹmwata, kevbe ne ọ luro. Aho ẹmwẹ ọmwa ẹnrẹn ne ẹi beghe vuọn agbọn na.

Psalm 89:20

I ya Devid ne ọguọmwadia mwẹ rri ọba nẹ, vbe ekpa ne I na sa ori ne ọ huanrẹn ye ọre uhunmwu.

Psalm 89:26

Rẹn gha tama mwẹ wẹẹ, ‘wẹ ọrọre erha mwẹ kevbe Osanobua mwẹ; wẹ ọrọre ne ọ degue mwẹ kevbe ọmiọnmwafan mwẹ.’

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Levitikọs 8:12

Ọ keghi ya Errọn ma ohẹn vbe ne ọ na sa eso vbe ori ne a sa ye ọmwa uhunmwu ye ọre uhunmwu.

Matiu 3:15

Jesu keghi tama rẹn wẹẹ, “Gie a ruẹe vbenian, ne a miẹn ehe na ru vbene Osanobua gie.” E Jọn ma ghi vbe muan rẹn.

Matiu 7:23

Ẹghẹ ni ọre I gha na tama iran wẹẹ, ‘I ma rẹn uwa, wa ladian mwa, wa ni winna iwinna orukhọ.’

Iyẹn ne ọ Maan Ọghe Luk 13:27

Rẹn ghi dọlegbe tae wẹẹ, ‘I ma rẹn ehe ne uwa ke rre, wa kpao vbe ehe ne I ye rre, wa ne emwa orukhọ!’

Iyẹn ne ọ Maan Ọghe Luk 3:22

Orhiọn Ne Ọ Huanrẹn mu ikinnegbe yọ, ọ yevbe idu, ọ keghi rhuẹ yan rẹn. Urhu ọkpa keghi ke ẹrinmwi rre wẹẹ, “Wẹ ọrọre ovbi mwẹ ovbi orrọ, ọyẹnmwẹ ruẹ sẹ mwẹ.”

Iyẹn ne ọ Maan Ọghe Jọn 1:16

Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iwinna 2:28

Wẹ ma mwẹ odẹ ne ọ rrie odẹ ẹfe nẹ, u gha mudia ke mwẹ, ne u rhie oghọghọ mẹ.’

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Hibru 1:9

U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

Hibru 2:14

Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.