Psalm 45:5 - Edo Bible (E Baibol Ẹdo) Version 1996

⁵ Ifẹnmwẹ ruẹn wa mu, iran ha ẹkoko udu eghian ruẹn gberra avbe agbọn ẹvbo ghigha dele ye owẹ ruẹ.

Psalm 45:5 ပူးပေါင်းရင်းမြစ်များ

Psalm 21:12

Ọ gha ya ifẹnmwẹ ọnrẹn filo iran. Ọ gha ya iran fi ọdelegbe, iran ghi lẹ.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 38:2

U ya ifẹnmwẹ ruẹn kuan mwẹ nẹ, u gbe mwẹ fi otọ nẹ.

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Nọmbas 24:8

Osanobua viọ iran ke Igipt ladian, ọ gbinna ne iran zẹ vbe ede, iran minọ avbe eghian iran re, iran dunmwu ugboloko iran an, iran vbe rẹnkhẹn iran.

Iwinna 2:37

Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Iwinna 5:14

Sokpan, emwa ni bun ni ya Nọyaẹnmwa yi, ke ikpia kevbe ikhuo, kegha ya egbe ba iran.

Iwinna 5:33

Emwa ni rre Iko ghi wa họn ẹmwẹ na, okuosu keghi wa rri iran, sẹrriọ ne iran na wa ta ẹe ighẹ te iran gbele avbe ukọ rua.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Iwinna 7:54

Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre.