Psalm 44:3 - Edo Bible (E Baibol Ẹdo) Version 1996

³ Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Psalm 44:3 ပူးပေါင်းရင်းမြစ်များ

II Samuẹl 7:23

Ẹvbo ọvbehe i rre otọ agbọn ne ọ ye vbe Izrẹl ne emwa ruẹn ne uwẹ miẹnfan hin ọviẹn ọmwa ne iran do gha re emwa ruẹn. U ya egbe ruẹ hin usi, u keghi ru emwi ni kpọlọ kevbe ni yunnuan ne iran, vbene u na khulo avbe agbọn ẹvbo kevbe avbe ẹbọ iran kua hin odaro emwa ruẹn rre, vbene iran ya nana sikẹ odaro. Emwa ne uwẹ faẹn vbe irri vbe Igipt ne iran do khian ọwuẹ.

II Krọnikol 20:7

wẹ ọrọre Osanobua ima. Ẹghẹ ne ivbi Izrẹl ne emwa ruẹn na si la otọe na, u keghi khulo emwa ni te ka rrọọ ladian, u keghi mu otọe na ne ivbi uniẹn Ebraham, ne ẹse ruẹ, ne ọ gha re ọghe iran ẹdẹdẹmwẹdẹ.

Psalm 111:6

ọ rhie ẹtin ẹnrẹn ma avbe emwa rẹn nẹ, vbekpa ne ọ na mu otọe ọrriọvbe ne iran.

Psalm 17:7

Rhie ahoẹmwọmwa ọyunnuan ruẹn maa, ne u miẹn ima fan. Me gha rre ehe ne u ye, mẹ fe vbe obọ avbe eghian mwẹ.

Psalm 20:6

Eban nian, mẹ rẹnrẹn wẹ, e Nọyaẹnmwa rhie akhọnmiotọ ne ọba ne ọ hannọ zẹ. Ọ wanniẹn ọre ẹmwẹ, ke ẹrinmwi ne ọ huanrẹn ọghọe rre ọ ghi vbe ya ẹtin ẹnrẹn rhie akhọnmiotọ nekhua ne ẹẹn.

Psalm 4:6

Emwa nibun ọ re ọ na erhunmwu wẹẹ, “Rhie afiangbe ba afiangbe ne ima Nọyaẹnmwa Ye aro itohan ghe mwa!”

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Psalm 42:5

Vbọzẹ yi ne ekhọe mwẹ na rhia vbenian? Vbọzẹ ne orhiọn mwẹ ma na sẹ otọ? I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ kevbe Osanobua mwẹ.

Psalm 74:11

Vbọzẹ ne u na he ne u yi ima obọ yi? Vbua ghi na viọ obọ ghe odieke hẹ yi?

Psalm 77:15

Ẹtin ruẹn ọ re u ya miẹn emwa ruẹn fan ivbi uniẹn Jekọb kevbe Josẹf.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Psalm 80:16

Avbe eghian mwa mu erhẹn yọ, iran kevbe tọn ẹn gbotọ, ya ohu ghe iran, ne u fuẹn iran an.

Psalm 80:9

U gbẹn irunmwu hin ehe ne ọ gha na wan rre nẹ, inian rẹn kakabọ la uwu otọ, ọ keghi wa obọ gba otọe nii hia.

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Zẹkaraia 4:6

Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.

Nọmbas 14:8

A deghẹ ẹko Nọyaẹnmwa rhiẹnrhiẹn ghe mwa, ọ gha viọ ima gha rrie evba, ọ ghi mu otọ ne ẹfe vuọn kevbe ne ọ maa emwi okọ nii ne ima.

II Kọrinti 4:7

Sevba, ma ni mwẹ emwi ighobioye orhiọn na, te ima yevbe akhe kẹkan ne a ya obuẹ ma, ne a miẹn ehe na rhie ma wẹ, ẹtin ne ọ sẹ ehia, ọghe Osanobua nọ, ighẹ ẹ i re ọghe ọmwa.

Diuteronomi 10:15

Sokpan ahoẹmwọmwa ne Nọyaẹnmwa mwẹ ghe avbe erha uwa odede keghi tọn sẹrriọ wẹ rẹn rhie obọ gberra emwa ọvbehe hia, ọ na hannọ uwa zẹ, ẹmwata ena hia wa khin do sẹ ẹdẹnẹrẹ.

Jọsua 24:12

I kevbe gie ugborrirri mwẹ ke odaro ne uwa ne ọ ya khulo avbe ọba Amọri eva ladian vbe odaro uwa. Ẹ i zẹdẹ re umozo kevbe ifẹnmwẹ uwa ọ re ọ ru ẹe.

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

I Samuẹl 12:22

Osanobua wa yan nẹ, rẹn i ra fi iyeke gbe uwa, rhunmwuda, te irẹn yan yọ wẹ rẹn gha ya uwa ru emwa irẹn.