Psalm 44:14 - Edo Bible (E Baibol Ẹdo) Version 1996

¹⁴ U ya ima khian emwi igbogiẹ vbe uwu ẹbu agbọn ẹvbo nibun iran gha fieghe uhunmwu iran da ima vbe ọghe ozan.

Psalm 44:14 ပူးပေါင်းရင်းမြစ်များ

I Ọba 9:7

ẹghẹ nii I ghi viọ ivbi Izrẹl ne emwa mwẹ hin otọe ne I mu ne iran rre. I ghi fi iyeke gbe Ọgua Osa na ne I ya khian ne ọ huanrẹn ne a ya gha ga mwẹ, emwa hia ghi gha giẹ Izrẹl vbe ehe hia, iran ghi vbe gha yagha ẹe.

II Ọba 19:21

Adesẹ ore Jerusalẹm gha giẹ ọ, e Senakẹrib, ọ vbe ya uwẹ gbe ogie.

II Krọnikol 7:20

Ẹghẹ nii, I ghi viọ uwa hin otọ ne I te mu ne uwa rre, I ghi lahin Ọgua Osa na rre, ehe ne I mẹ te ya khian ne ọ huanrẹn wẹ evba ni ọ re a gha na gha ga mwẹ. Emwa ghi gha ya ẹe gbogiẹ vbe ehe hia, iran ghi gha zan rẹn.

Nehimaia 2:17

Sokpan, eban nian, I keghi tama iran wẹẹ, “Wa ghe uwu ọlọghọmwa ne ima ye rhunmwuda ne Jerusalẹm na rẹnkhuan, a kevbe guọghọ onurho ni rrọ ua! Wa gie ima dọlegbe gbe ekẹn ne ọ lẹga ẹvbo na, ne ima ban ukpọn emwiekhue hin ẹkun rre.”

Job 16:4

Gie a kha ighẹ mẹ ọ re uwa, wa na gha re imẹ, I gha wa sẹtin vbe ta avbe ẹmwẹ ne uwa talọ na. I gha sẹtin ya ẹwaẹn fieghe uhunmwu mwẹ, I gha ghi ye ẹmwẹ ne ọ tue ladian silo uwa kẹ egbe.

Job 17:6

Eban nian, te emwa ghi kpa itan na mẹ. Iran ghi do gha tulo asẹn yọ mwẹ aro.

Psalm 109:25

Emwa gha beghe mwẹ iran ghi fieghe uhunmwu ọsọre mẹ.

Psalm 123:3

Tohan mwa Nọyaẹnmwa, tohan mwa; emwa ru ima emwi oya gbe.

Psalm 22:7

Emwa ni miẹn mwẹ hia, ya mwẹ gbogiẹ, iran yuo aranmwẹ ladian, iran gha rueghe uhunmwu iran.

Psalm 79:4

Avbe ẹvbo ni lẹga mwa gha tie ihẹn ne ima. Iran gha giẹ ima iran gha ya ima gbe ogiẹ.

Aizaia 37:22

e Nọyaẹnmwa khare wẹẹ, “Ore nọkhua e Jerusalẹm gha giọ, wẹ ne Senakẹrib, ọ ya a gbe ogiẹ.

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Diuteronomi 28:37

Ẹmwẹ emwi tie ọ sunu vbe egbe uwa gha kpan emwa ẹvbo ne a zagha uwa kui odin, iran gha ya uwa gbe ogie iran ghi gha ta uwa giẹ.