Psalm 43:2 - Edo Bible (E Baibol Ẹdo) Version 1996

² Wẹ ọ re ọ degue mwẹ, vbọzẹ ne u na he mwẹ ye otọ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?

Psalm 43:2 ပူးပေါင်းရင်းမြစ်များ

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Psalm 140:7

Nọyan, Osanobua mwẹ, ọmwa ne ọ wegbe ne ọ gbinna mẹ, u rhie mwẹ lẹre vbe ẹghẹ okuo.

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 31:4

Degue mwẹ hin obọ ifi ne a rhuẹ ye otọ khẹ mwẹ tan ifuẹn gue mwẹ hin ẹbe rre.

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Psalm 42:9

Mẹ tama Nọyaẹnmwa ne ọ gbinna mẹ wẹẹ, “Vbọzẹ ne u na mianmian mwẹ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?”

Psalm 44:9

Sokpan, banbanna nian, wẹ he ima ye otọ nẹ, u na gie iran khọn miẹn ima otọ uma ghi lele ivbi iyokuo ima ghe usun ladian.

Psalm 71:9

Ghẹ he mwẹ ye otọ, vbe I khian ọmaẹn nẹ nian. Ghẹ fi iyeke gbe mwẹ vbe egbe mwẹ guọghọ nẹ.

Psalm 77:7

“Nọyaẹnmwa gha wa he ima fẹẹrẹ ra? Ẹko ẹre i ghi ra rhiẹnrhiẹn ghe ima ẹdẹ ra?

Psalm 88:15

Ke ẹghẹ ọvbokhan mwẹ gha dee, I sẹ usẹ ne ọ sikẹ uwu, te I ghi kuagha, rhunmwuda ihẹ ọghe oya ne u rrio mwẹ re.

Psalm 94:14

E Nọyaẹnmwa i ra he emwa rẹn yotọ, rẹn i ra fi iyeke gbe iran ni re ọghọe.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.