Psalm 42:9 - Edo Bible (E Baibol Ẹdo) Version 1996

⁹ Mẹ tama Nọyaẹnmwa ne ọ gbinna mẹ wẹẹ, “Vbọzẹ ne u na mianmian mwẹ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?”

Psalm 42:9 ပူးပေါင်းရင်းမြစ်များ

Psalm 13:1

Inu ẹghẹ u ghi ra ye mianmian mwẹ la yi Nọyaẹnmwa? Ẹdẹdẹmwẹdẹ nọ ra? Inu ẹghẹ u ghi ra ye rhie aro lẹ mẹ la?

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 28:1

E Nọyaẹnmwa ugue mwẹ, mẹ tu tie ruẹ. Họn urhu eve mwẹ a deghẹ u ma zẹ yọ mwẹ re, mẹ gha do ye vbe iran ni tuorre rriẹ ẹvbo ne iran ni wulo nẹ ye.

Psalm 38:6

Te I ghi hie fo vbe uhanbọ, a rẹnkhẹn mwẹ uan, te I ghi khiẹ ne ebi ro.

Psalm 43:2

Wẹ ọ re ọ degue mwẹ, vbọzẹ ne u na he mwẹ ye otọ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?

Psalm 55:3

Eyan ne avbe eghian mwẹ yan mu mwẹ ohan, ukpokpo emwa dan rẹnkhẹn mwẹ ye otọ iran si ọlọghọmwa yọmwẹ egbe, ohu mwẹ mu iran iran vbe khuiwu mwẹ.

Psalm 62:2

Rẹn okpa kẹkan ọre ọ degue mwẹ ọ vbe miẹn mwẹ fan obọ ọmwa i ra gba mwẹ ẹdẹdẹmwẹdẹ.

Psalm 77:9

Te Osanobua ghi mianmian ne ọ gha tohan ọmwa ra? Te ohu ghi rhie ihe itohan rẹn ra?”

Psalm 78:35

Iran yerre wẹ, Osanobua ọ re ọ degue iran, kevbe wẹ, Osanobua ne Udazi rre do ye iran obọ.

Psalm 88:9

Te aro mwẹ ghi ghe vbirrivbirri rhunmwuda usẹ e Nọyaẹnmwa ẹdẹgbegbe ọ re I ya tu tie ruẹ. I ghi vbe viọ obọ da okhunmwu ghe ruẹ gha na erhunmwu.

Psalm 92:3

Ne a gha ya emwi ihuan ne ọ mwẹ irri ru ẹe, kevbe ne ọ rhiẹnrhiẹn vbe akpata.

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Aizaia 40:27

Vbọzẹ ne u na ghi zuyọn yi Izrẹl wẹ e Nọyaẹnmwa ma rẹn ọlọghọmwa ruẹn ra ne ọ kue zẹyọ vbe a gha ruẹ khọ?

Aizaia 49:15

Rhunmwuda ọnii, e Nọyaẹnmwa keghi kha wẹẹ, “Okhuo gha sẹtin mianmian ọmọ ne ọ biẹe ra ne ọ ghẹ ho ẹmwẹ ovbi ẹre ne ọ biẹe? Ọ gha khọn rẹn ne okhuo sẹtin mianmian ovbi ẹre mẹ i ra mianmian uwẹ ẹdẹdẹmwẹdẹ.