Psalm 42:6 - Edo Bible (E Baibol Ẹdo) Version 1996

^6-7 Te udu mwẹ ghi ra kpaẹn vbe ehe ne I na rre iwe rhunmwuda ọnii, mẹ keghi werriẹ iro mwẹ da irẹn. Ọ gie ubimwẹ amẹ ọghe akhiẹ gie orhiọn mwẹ. Ke uhunmwu Oke Hẹmọn kevbe Oke Miza gha dee.

Psalm 42:6 ပူးပေါင်းရင်းမြစ်များ

II Samuẹl 17:22

Rhunmwuda ọnii, e Devid kevbe emwa rẹn keghi suẹn gha fian ẹzẹ rra, vbe ẹdẹ ghi te gbe, iran hia fian ẹn rra fo nẹ.

II Samuẹl 17:27

Ugbẹn vbe Devid ghi sẹ Mahanem, Siobi ne ovbi e Nahas ne ovbi ẹvbo ne a tie ẹre Raba vbe Amọn, kevbe Makiẹ ne ovbi Amiẹl ne ovbi ẹvbo ne a tie ẹre Lodeba, kevbe Bazilai ne ovbi ẹvbo ne a tie ẹre Rogelim vbe Giliad, keghi bu ẹre rre.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 22:1

Osanobua mwẹ, Osanobua mwẹ, vbọzẹ ne u na he mwẹ ye otọ? I wa kakabọ tu ya nọ iyobọ, sevba, ọ ma rre.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 43:5

Vbọzẹ yi ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ Osanobua mwẹ.

Psalm 61:2

Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

Jona 2:7

Ẹghẹ ne I na miẹn wẹ ẹdẹ mwẹ rrie dọn ọn, mẹ keghi na erhunmwu ghe ruẹ Nọyaẹnmwa u keghi họn ọghomwẹ ke uwu ọgua Osa ruẹ nọhuanrẹn gha dee.

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Matiu 27:46

Ọ ghi sẹ odẹ ihe ẹgogo eha, Jesu keghi datu, “El, El, lema sabaktani?” Ne a zẹ edu ẹre wẹẹ, “Osanobua mwẹ Osanobua mwẹ, vbọzẹ ne u na he mwẹ ye otọ?”