Psalm 42:4 - Edo Bible (E Baibol Ẹdo) Version 1996

⁴ I gha ye ẹghẹ ne ọ gberra rre, ekhọe mwẹ ghi rhia. Ẹghẹ ne I na lele emwa nibun ye owa Osanobua. Mẹ ghi ke odaro ne iran, vbe iran a gha khian. Emwa nibun ne ẹko rhiẹnrhiẹn, iran ghi gha so ihuan, iran ghi vbe go wan Osanobua.

Psalm 42:4 ပူးပေါင်းရင်းမြစ်များ

II Ọba 18:30

Wa ghẹ gie ẹe vbe kpikpi uwa wẹ ne uwa mu ẹtin yan e Nọyaẹnmwa. Wa ghẹ gha ro ighẹ e Nọyaẹnmwa gha miẹn uwa fan kevbe wẹ ẹ i ra gie ivbi iyokuo ima ne Asiria khọn ẹvbo uwa muotọ.

II Ọba 18:32

ọ te do sẹ ẹghẹ ne Ọgbaisi gha na viọ uwa ne uwa ya yin ẹvbo ọvbehe ne ọ vbe yevbe ọghe uwa, ehe ne uwa gha na miẹn gha re wa ghi vbe miẹn gha da, otọe emwiokọ esiesi kevbe ọghe owọn ọre otọe nii khin. Deghẹ wa ru vbene ọ khare, wa ira wulo, wa gha miẹn uhunmwu. Wa ghẹ gie Hẹzekaia do uwa ọzuọ ne ọ tama uwa wẹ e Nọyaẹnmwa gha miẹn uwa fan.

II Krọnikol 7:10

Vbe ikpẹdẹ ne ọ ghi lele ẹe, ne ọ re ikpẹdẹ ne ogieha yan ugie ọghe uki ne ogihinrọn, e Solomọn keghi zẹ emwa ni urrie. Ọyẹnmwẹ keghi sẹ iran ye afiangbe ne Osanobua rhie ne Izrẹl ne emwa rẹn, e Devid kevbe Solomọn.

Job 29:2

“Akpawẹ ẹdagbọn mwẹ gha ye sẹtin do dọlegbe gha ye vbene ọ te ye ẹkpo ne Osanobua na gha wan lẹga mwẹ nian.

Psalm 100:4

Wa ye ekpọnmwẹ la onurho Ọgua Osa, wa vbe ya urhomwẹ gha rriẹ ẹguae ẹre, wa gha kpọnmwẹ ọẹn, ne uwa vbe gha rho ẹre.

Psalm 115:2

Vbọzẹ ne avbe uhunmwu ẹvbo gha na gha nọ ima wẹẹ, “Osanobua rua vbọ?”

Psalm 122:1

Ẹko mwẹ rhiẹnrhiẹn, vbe iran tama mwẹ wẹẹ, “Wa gie ima gha rrie owa e Nọyaẹnmwa.”

Psalm 122:8

Rhunmwuda avbe etẹn mwẹ kevbe ọse mwẹ, mẹ tama Jerusalẹm wẹẹ, “Ọfumwegbe nọ nuẹn!”

Psalm 55:14

Ma gba mu iro ẹkhokho ma egbe, ma keghi vbe gba ga vbe uwu Ọgua Osa.

Psalm 62:8

Wa ne emwa mwẹ, wa mu ẹtin yan Osanobua vbe ẹghẹ hia, wa ta enegbe uwa hia ma rẹn, rhunmwuda rẹn ọrọre ugue ne ima.

Psalm 79:10

Vbọzẹ ne avbe uhunmwu ẹvbo gha na gha nọ ima wẹẹ, “Osanobua uwa vbọ?” Gie ima bẹghe ẹre vbe u rri avbe uhunmwu ẹvbo nii oya, rhunmwuda ne iran na gbe esagiẹn emwa ruẹn ye otọ.

Psalm 80:6

U vbe gie avbe uhunmwu ẹvbo ni lẹga mwa gha khọn sinmwi otọe mwa, avbe eghian mwa rhovbiẹ mwa.

Aizaia 30:29

Sokpan, wa ne emwa Osanobua gha ghọghọ, wa ghi vbe so ihuan zẹ vbene uwa ru vbe asọn ne uwa ru emwiukpo ne a ya ru ugamwẹ kpataki. Ọyẹnmwẹ ghi gha sẹ uwa zẹ vbe avbe emwa ni zẹ owẹ lele ẹrogbo ne a kpee vbe iran rrie Ọgua Osa ọghe Nọyaẹnmwa ne ọ re ne ọ gbinna ne Izrẹl.

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Eve Orriara 4:1

Igoru mwa ne ọ te fi wainwain wu nẹ vbe aro. Avbe okuta Ọgua Osa tagha lele ore ẹvbo hia.

Ezikiẹl 46:10

Emwa nii gha la owa, ọ re ovbiọba gha na vbe la owa iran gha ladian, ọ ghi vbe ladian.

Joẹl 2:17

Ohẹn ne ọ ga e Nọyaẹnmwa vbe ẹkpo onurho kevbe Ogiukpo Ọgua Osa, te iran gha viẹ ne iran gha na erhunmwu wẹẹ, “Tohan emwa ruẹn Nọyaẹnmwa, ghẹ gie ẹvbo ọvbehe zan mwa ra ne iran ya ima gha gbe ogie kha wẹẹ, ‘Osanobua uwa vbo?’ ”

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Iyẹn ne ọ Maan Ọghe Luk 16:25

Sokpan Ebraham tama rẹn wẹẹ, ‘Ovbi mwẹ, yerre wẹẹ, ẹghẹ ne uwa na rre agbọn, emwi ne ọ ghi maa sẹ hia ke wa gha re ọ wuẹ, emwi ne ọ ghi rhia sẹ hia kegha re ọghe Lazarọs, eban nian, egbe rọkhọ irẹn sokpan wẹ rre uwu obalọ.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Ebe Rut 1:21

Ẹghẹ ne I na kpao, ọbọbọ I si gha khian, sokpan I ghi dee, mẹ vbe ikpakpa uhunmwu mwẹ ọkpa ọ re Nọyaẹnmwa ghi rhie werriegbe rre. De emwi ne uwa gha gu gha tie mwẹ Naomi ẹko ne ọ sẹ ọyẹnmwẹ, vbe Osanobua ne Udazi bu abe gbe mwẹ nẹ, ọ na vbe ye sẹ mwẹ usẹ?”