Psalm 42:3 - Edo Bible (E Baibol Ẹdo) Version 1996

³ Asọn kevbe avan ọ re I ya viẹ egbe, ameve ọkpa ọrọre evbare mwẹ ẹghẹ hia, avbe eghian mwẹ ghi gha nọ mwẹ wẹẹ, “Osanobua ruẹ vbọ?”

Psalm 42:3 ပူးပေါင်းရင်းမြစ်များ

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

Psalm 102:9

Rhunmwuda ohu kevbe okuosu ruẹ, emuẹn ọre ọ ghi re evbare mwẹ, ameve mwẹ ghi gha kharha gua amẹ ne I wọn. U gua mwẹ rhie, u ke fi mwẹ fua.

Psalm 115:2

Vbọzẹ ne avbe uhunmwu ẹvbo gha na gha nọ ima wẹẹ, “Osanobua rua vbọ?”

Psalm 143:6

I viọ obọ mwẹ da odukhunmwu na erhunmwu ghe ruẹ, ovbamẹ ruẹn gbe ekhọe mwẹ, zẹ vbe otọe ne ọ kae.

Psalm 22:8

Iran wẹẹ, “Ẹre te u mu ẹtin yan e Nọyaẹnmwa, vbọzẹ ne ọ ma na ghi miẹn ruẹn fan nian? Adeghẹ Nọyaẹnmwa gele ho ẹmwẹ ruẹn, vbọzẹ ne ọ ma na yuẹ obọ?”

Psalm 3:2

Iran na iyẹn mwẹ khian wẹẹ, “Osanobua i ra yi ọre obọ.”

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Psalm 63:2

Gun mwẹ bẹghe ruẹ vbe uwu owa ne ọ huanrẹn nii, gun mwẹ bẹghe vbene u mwẹ ẹtin kevbe uyi hẹ.

Psalm 79:10

Vbọzẹ ne avbe uhunmwu ẹvbo gha na gha nọ ima wẹẹ, “Osanobua uwa vbọ?” Gie ima bẹghe ẹre vbe u rri avbe uhunmwu ẹvbo nii oya, rhunmwuda ne iran na gbe esagiẹn emwa ruẹn ye otọ.

Psalm 79:12

Nọyaẹnmwa, ha ẹre werriegbe ne avbe uhunmwu ẹvbo nekpa igba ihinrọn rhunmwuda unu ne iran filo guẹ.

Psalm 80:5

U rhi akhiẹ ne ima re nẹ, ukpu ne ọ kpọlọ ọghe ameve ne ima wọn.

Psalm 84:3

Avbe uhaiso bọlọ oko, ivbialumẹ vbe mwẹ owa iran, iran viọ ivbi iran negiẹrẹ, ye ọkpẹn Ogiukpo ruẹ, Nọyaẹnmwa ne Oghodua ọba mwẹ kevbe Osanobua mwẹ.

Ẹksọdọs 23:17

Igba eha vbe ukpo ọre ikpia nii rre ọbuohiẹn uwa hia gha do gha miẹn mwẹ aro, erriọ Nọyaẹnmwa khare.

Joẹl 2:17

Ohẹn ne ọ ga e Nọyaẹnmwa vbe ẹkpo onurho kevbe Ogiukpo Ọgua Osa, te iran gha viẹ ne iran gha na erhunmwu wẹẹ, “Tohan emwa ruẹn Nọyaẹnmwa, ghẹ gie ẹvbo ọvbehe zan mwa ra ne iran ya ima gha gbe ogie kha wẹẹ, ‘Osanobua uwa vbo?’ ”

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Diuteronomi 5:26

De emwa ne ọ he ka họn vbe Osanobua ne ọ rrọọ guan ke uwu erhẹn rre ẹdẹ, ọ na ye vbe gha rre agbọn?