Psalm 40:3 - Edo Bible (E Baibol Ẹdo) Version 1996

³ Ọ ma mwẹ ihuan ọgbọn ne I gha so ihuan urhomwẹ ghe Osanobua mwa. Emwa nibun gha miẹn ọna wan, iran ghi mu ẹtin iran, yan e Nọyaẹnmwa.

Psalm 40:3 ပူးပေါင်းရင်းမြစ်များ

Psalm 119:133

Da mwẹ yi ne I ghẹ de, zẹ vbene u khare; ghẹ gie ọkhọ siẹn yan mwẹ ginna otọ.

Psalm 142:7

Yuo mwẹ hin uwu irhiaẹko mwẹ rre, ẹghẹ nii, mẹ gha rho ruẹ, vbe uwu iko avbe emwa ruẹn, rhunmwuda ẹse ne u ru mẹ.

Psalm 144:9

I gha so ihuan ọgbọn ne uẹn Osanobua, I gha kpe akpata, I ghi vbe so ihuan ne uẹn.

Psalm 27:5

Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.

Psalm 33:3

Wa so ihuan ọgbọn ghe ẹre, wa ya iguemwi kpe akpata nii, ne uwa wee ne oghọghọ.

Psalm 35:27

Iran ni ho ne a bu ohiẹn mẹ, te iran gha wee ne oghọghọ, ne iran vbe gha tae khian wẹẹ, “U miẹn vbe Nọyaẹnmwa kpọlọ hẹ! Ẹko rhiẹnrhiẹn ọẹn vbe ọ gha dunna ne eguọmwadia ẹre.”

Psalm 37:23

E Nọyaẹnmwa ọ re ọ dia ọmwa ye odẹ ne ọ gha la, ọ ghi vbe gha degue iran ni ru vbene ọ yẹ ọre.

Psalm 52:6

Emwa ẹmwata gha miẹn ọna; ohan ghi mu iran iran ghi gha giọọ, iran ghi kha wẹẹ,

Psalm 69:3

Egbe wọ mwẹ ne I ya tu nọ iyobọ, urhu mwẹ vbe kaka te aro mwẹ ghi vbọ ne I ya gualọ iyobọ ruẹ.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Arhie Maan 14:3

Arhunmwu arriaisẹn enẹyan-ikiọkhọe nii keghi mudia viọ aro da ẹkete kevbe avbe emwi ne a yi nii ma wu ni, kevbe avbe ediọn. Iran keghi so ihuan ọgbọn ne ọmwa rhọkpa i sẹtin ruẹ vbe ẹ i re iran ni ne a dẹwerriegbe nẹ ke uwu agbọn rre.