Psalm 40:17 - Edo Bible (E Baibol Ẹdo) Version 1996

¹⁷ Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Psalm 40:17 ပူးပေါင်းရင်းမြစ်များ

Psalm 109:22

Ovbiogue kevbe ne ẹ i mwẹ, ọre imẹ khin; ẹko zughu mwẹ ya sẹ otọ ibiẹ.

Psalm 34:4

I na erhunmwu ghe Nọyaẹnmwa, ọ keghi zẹ ẹmwẹ wanniẹn mwẹ; ọ kevbe fan mwẹ ye otọ vbe obọ ohan, ne ọ te mu mwẹ hia.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 35:27

Iran ni ho ne a bu ohiẹn mẹ, te iran gha wee ne oghọghọ, ne iran vbe gha tae khian wẹẹ, “U miẹn vbe Nọyaẹnmwa kpọlọ hẹ! Ẹko rhiẹnrhiẹn ọẹn vbe ọ gha dunna ne eguọmwadia ẹre.”

Psalm 40:5

U ru emwi nibun ne ima nẹ Nọyaẹnmwa Osanobua mwa; ọmwa ne ọ yevbe uwẹ rrọọ! Emwamwa ọyunnuan nibun ọ re u ru ye otọ khẹ ima. Mẹ ira sẹtin talọ ehia iran mobọ bun ẹsẹsẹmwẹse.

Psalm 54:4

Sokpan, Osanobua ọrọre ne ọ yọmwẹ obọ, Nọyaẹnmwa ọrọre ne ọ gbinna mẹ.

Psalm 69:33

E Nọyaẹnmwa danmwehọ iran ne ẹ i mwẹ, ẹ i vbe mianmian iran ni rre ẹwẹdọ.

Psalm 70:5

Nọ ma wegbe kevbe ne ẹ i mwẹ ẹtin, ọ re imẹ khin. Zẹgiẹgiẹ rrọ mwẹ rre Osanobua, wẹ ọrọre ọmiọnmwafan mwẹ kevbe Nọyaẹnmwẹ zẹgiẹgiẹ do yọmwẹ obọ!

Psalm 86:1

Danmwehọ mwẹ Nọyaẹnmwa, ne u rhie ewanniẹn mẹ, rhunmwuda mẹ ma wegbe, ẹtin vbe fo mwẹ nẹ.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Matiu 8:20

Jesu wanniẹn tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ okọ, sokpan Ovbi Ọmwa i mwẹ ehe ne ọ mu uhunmwu yan hẹwẹ.”

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Hibru 13:6

Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.

I Pita 5:7

Ye enegbe ruẹ hia yan rẹn, rhunmwuda, rẹn ọre ọ gbe aro ghe ruẹ.

Arhie Maan 22:20

Ọmwa ne ọ sẹ osẹe ye emwi na hia khare wẹ, “Erriọ wa nọ zẹẹ, I dee banbanna!” Erriọ ogha ye. Gha dee Nọyaẹnmwa Jesu!