Psalm 40:10 - Edo Bible (E Baibol Ẹdo) Version 1996

¹⁰ Mẹ ma rhie iyẹn imiẹnfan nii hinrre ne egbe mwẹ ọkpa, ẹghẹ hia ọ re I ya na iyẹn ọghe ne uwẹ na gia mu ẹtin yan kevbe iyobọ ruẹ. Vbe ehe ne avbe emwa ruẹn na si koko, I ma he dobọ ẹre yi ne a ta ighe aguobọmwa ọwuẹ kevbe ahoẹmwọmwa ruẹn ne ẹi beghe.

Psalm 40:10 ပူးပေါင်းရင်းမြစ်များ

Psalm 22:26

Avbe ivbiogue gha re vbene iran ho, iran ni bu e Nọyaẹnmwa rre, gha rho ẹre, te agbọn gha ma iran ẹdẹdẹmwẹdẹ.

Psalm 25:10

A gia mu ẹtin yan, kevbe aho ẹmwẹ ọmwa, ọ re ọ ya su iran ni rhie iyi ẹre mwẹ, kevbe ni vbe ya uhi ẹre ru emwi.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 75:9

Sokpan, mẹ i ra dobọ ẹmwẹ Osanobua Jekọb ne a ta yi ra nene ihuan urhomwẹ, ne I so ghe ẹre.

Psalm 89:1

E Nọyaẹnmwa, mẹ gha so ihuan aho ruẹ ne ẹ i beghe vbe ẹghẹ hia, I gha na iyẹn aguobọmwa ruẹn ẹdẹdẹmwẹdẹ.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Ezikiẹl 2:7

U ghi gha tama iran, ẹmwẹ ne I gha tama ruẹn wẹ ne u ta, deghẹ iran hoẹn ra iran ma họn. Yerre wẹ etẹ ọ re iran khin.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Iyẹn ne ọ Maan Ọghe Luk 3:6

Emwa ne agbọn hia gha miẹn imiẹnfan Osanobua!’ ”

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Ebe ne Pọl gbẹẹn gie emwa Rom 10:3

Rhunmwuda iran ma rẹn vbene Osanobua ya dọlọ ọmwa kugbe be egbe ẹre hẹ, iran keghi rhunmwuda ọnii gha bẹlẹ odẹ ọghe egbe iran, rhunmwuda ọnii, iran ma ghi ye obọ ye Osanobua re vbekpa ọghe vbene ọ ho ne ọ ya dọlọ iran kugbe ba egbe irẹn hẹẹ.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

I Tẹsalonaika 1:8

Rhunmwuda, wa rhie ẹmwẹ Nọyaẹnmwa gha rrie Masidonia kevbe Gris, a keghi vbe họn ẹmwẹ iyayi uwa vbe uwu Osanobua vbe ehe hia. Ẹmwẹ ọvbehe ne ima ghẹ ghi vbe ta i ghi rrọọ.

I Timoti 1:15

Ẹmwẹ ẹmwata ne ọ re ne a gha wa rhan obọ miẹn, ne avbe yae ẹe yi nọ wẹẹ: Te Kristi Jesu rrie agbọn, ne ọ do miẹn emwa oru khọ fan: Mẹ ọrọre ọka ẹrhia ne ọ rrọọ.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.