Psalm 4:2 - Edo Bible (E Baibol Ẹdo) Version 1996

² Inu ẹghẹ, ọre uwa na ra ya gha rhovbiẹ mwẹ yi? Inu ẹghẹ wa ra ho ẹmwẹ emwi ẹwobi sẹ? Ne uwa gha na vbe gha lele ohoghe khian?

Psalm 4:2 ပူးပေါင်းရင်းမြစ်များ

Psalm 106:20

Iran keghi fi uyi Osanobua werriẹ ghe ọghe ama aranmwẹ ne ọ rri irunmwu.

Psalm 14:6

Emwa dan ghi mu emwamwa esi ọghe ọmẹhẹ rhia, sokpan, e Nọyaẹnmwa ọre ọ rhie ẹre lẹre.

Psalm 2:1

Vbọzẹ ne avbe agbọn ẹvbo na si uma isọtẹ yi? Vbọzẹ ne emwa na vbe si uma akuọkan iran.

Psalm 3:3

Sokpan, wẹ, Nọyaẹnmwa ọrọre asa mwẹ, vbe ẹghẹ ẹbe kevbe ẹghẹ hia. Wẹ ọ re ọ rhie akhọnmiotọ mẹ. U keghi vbe rhie orhiọn yọ mwẹ iwu.

Psalm 31:6

Wẹ khuiwu iran ni ga ẹbọ ohoghe sokpan mẹ mu ẹtin yan ruẹn.

Psalm 5:6

Wẹ fuẹn avbe ọhọn ohoghe fo fẹẹrẹ, wẹ keghi vbe sọnnọ emwa ibalegbe kevbe emwa erẹrẹ

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 57:4

Eghian ni yevbe oduma ni rri ọmwa lẹga mwẹ. Akọn iran yevbe asoro kevbe ifẹnmwẹ, aranmwẹ iran yevbe umozo ne ọ mu.

Psalm 58:1

Wa gele zẹdia bu ohiẹn ẹmwata ra wa ni rre asẹ? Wa ye abọkpa bu ohiẹn emwa hia ra?

Psalm 58:3

Emwi dan, ọ re avbe emwa dan, wa ya ẹdagbọn iran hia ru. Ẹdẹ ne a biẹ iran, ọ re iran ke ta ohoghe.

Psalm 63:11

Ọba gha ghọghọ rhunmwuda Osanobua gie ẹe khọnmiotọ, iran ni ya eni Osanobua yan eyan gha rho ẹre sokpan a gha gue avbe ọhọn ohoghe unu.

Psalm 72:2

Ne ọ miẹn ehe na gha ya ẹmwata khaemwisẹ yan emwa ruẹn. Kevbe ne ọ vbe ya ẹmwata gha kha yan avbe emwa ne a zẹ kpokpo.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Asan-Ibo 9:3

Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Aizaia 20:5

Iran ni mu ẹtin yan e Sudan, iran na vbe gha ya Igipt rhuọ, aro gha ru iran gboo, idaehọ iran ghi wu ye ihoi.

Aizaia 45:17

Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Jerimaia 2:5

E Nọyaẹnmwa khare wẹẹ, “De ẹzọ ne avbe erha uwa odede miẹn gunmwẹ gui yi?” De emwi ne iran ghi rhunmwuda ẹre fi iyeke gbe mwẹ? Iran tobọ iran keghi khian ne ẹ i mwẹ esa ne ọ ye.

Jerimaia 9:3

Iran wa mu egbe ye ohoghe ne a ta vbe ẹghẹ hia a i ta ẹmwata rhie ihe ẹmwata gha khaemwisẹ vbe otọe nii. E Nọyaẹnmwa khare wẹẹ, “Emwa mwẹ wa ru ọkhọ yan ọkhọ iran ma rhan obọ miẹn mwẹ zẹ vbe Osanobua iran.”

Hozia 4:7

“Vbene uwa ne avbe ohẹn ya bun yọ, erriọ ọ re uwa vbe ya ru orukhọ ghe mwẹ sayọ rhunmwuda ọnii, I gha ye ọghọ ne ọ te rre uwa egbe khian efaa.

Jona 2:8

Iran ni gho ẹbọ ohoghe, rhie ẹmwẹ ruẹn hin ekhọe iran rre nẹ.

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Iwinna 24:9

Avbe Ju hia keghi ye egbe ba ẹzọ na wẹ ẹmwata nọ.

I Kọrinti 1:31

Rhunmwuda ọnii zẹ vbene ebe khare, “Ọmwaikọmwa ne ọ ho ne irẹn rhuọ, wẹ ne ọ gha ye emwi ne Nọyaẹnmwa ru rhuọ.”

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

I Samuẹl 12:21

Wa ghẹ ya gha gho ẹbọ ohoghe, iran i ra sẹtin yi uwa obọ, ama wẹ ne iran miẹn uwa fan, rhunmwuda emwi ababa iran khin.