Psalm 39:9 - Edo Bible (E Baibol Ẹdo) Version 1996

⁹ I gha hẹko hunwan, mẹ i ra vbe ta ẹmwẹ ọkpa rhunmwuda, wẹ ọ re ọ si oya ne I re na yọmwẹ egbe.

Psalm 39:9 ပူးပေါင်းရင်းမြစ်များ

II Samuẹl 16:10

Ọba keghi khama Abisiai kevbe Joab ne ọtiọnrẹn wẹẹ, “Ọ ma zẹdẹ kan uwa, adeghẹ ọ rhovbiẹ mwẹ rhunmwuda wẹ e Nọyaẹnmwa ọ re ọ wẹ ne ọ rhovbiẹ mwẹ, gha ọ ghi ra rri ọre unu ẹnrẹn?”

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Psalm 38:13

Te imẹ ye vbe ayin ehọ ne ẹi họn ẹmwẹ I ye vbe odin ne ẹi sẹtin guan.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

I Samuẹl 3:18

Ẹre Samuẹl na talọ emwi hia ma rẹn, ọ ma vbe ke ya vbọ hiehie. Elai keghi wanniẹn wẹẹ, “Rẹn ọrọre Nọyaẹnmwa, emwikemwi ne ọ kei sẹ vbe aro ẹre ọ re ọ ra ru.”