Psalm 39:6 - Edo Bible (E Baibol Ẹdo) Version 1996

⁶ Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 39:6 ပူးပေါင်းရင်းမြစ်များ

Job 14:1

“A biẹlẹ ima hia ne ẹ i mwẹ ẹtin kevbe ne ẹ i sẹtin ye egbe ẹre obọ. Agbọn orhikhan ne a i na tọ ọ re ima hia ye.

Job 7:16

I zobọ vbọ, agbọn khan mwẹ nẹ, wa hẹko sẹ mwẹ rae; I i ghi mwẹ esa ni gu agbọn ye.

Job 7:7

“Osanobua, yerre wẹ, uhiọnrọnmwẹ ọkpa kẹkan ọ re ẹdagbọn mwẹ khin, oghọghọ ne I mwẹ fo nẹ.

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Psalm 144:4

Te ọ yevbe oko ẹhoho, te ẹdagbọn rẹn yevbe aghọnghọn ne ọ rhie gberra khian.

Psalm 89:48

De ọmwa ne ọ gha sẹtin gha rrọ ne ẹ i ra wu yi? Vbe ọmwa ra ya rhie egbe ẹre lẹ ne idin hẹ?

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Itan 27:24

Rhunmwuda ẹfe i re emwi etẹbitẹ. Uhunmwu ẹvbo tobọ ọre, ne ọ re etẹbitẹ i rrọ.

Asan-Ibo 1:14

Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 11:10

Ghẹ gie emwikemwi mu ẹẹn orhiọn rueghe ra ne ọ si obalọ ye uẹ egbe. Ẹghẹ ne u ra ya ru igbama ma mobọ tan.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Asan-Ibo 12:8

Ẹ i mwẹ esa, ẹ i mwẹ esa, erriọ ọ re Asan-ibo khare. Erhọkpa i zẹdẹ mwẹ esa.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Asan-Ibo 2:8

I keghi vbe sii esiliva kevbe igoru gboo kevbe avbe otọe ni ga gunmwẹ gha dee. Ikpia kevbe ikhuo kegha so ihuan yọmwẹ ehọ, I keghi vbe gha mwẹ ikhuo sẹẹ vbene ọmwaikọmwa gha sẹtin mwẹ sẹ.

Asan-Ibo 5:14

Vbe iyeke ọnii, ọ ghi rhia ehia a ye ẹki ne a ma do ẹse, vbene ẹ i ghi na vbe miẹn emwi okpa fi ye emọ otọ.

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Iyẹn ne ọ Maan Ọghe Luk 12:26

Deghẹ obọ uwa ma gba emwi ne tuẹin vberriọ, vbe uwa ghi kpokpo egbe ye ẹmwẹ eni dekẹe baa?

Iyẹn ne ọ Maan Ọghe Luk 12:29

“Rhunmwuda ọnii, wa ghẹ gie iro emwi ne uwa gha re ra emwi ne uwa gha da han uwa.

I Kọrinti 7:31

Emwa ni lo emwi agbọn na, zẹ vbene a miẹn wẹ, iwinna rẹn ma mu iran. Rhunmwuda, agbọn na, zẹ vbene ọ ye na, ẹ i ghi ra kpẹe sẹ ayọ.

Jems 4:14

Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.

Jems 5:3

Ọtọn gbe igho nọfua kevbe ne ọ baa ọghe uwa, ọtọn na ọre ọ ra sẹ osẹe gbe uwa, ọ ghi vbe rri uwa efun egbe zẹ vbe erhẹn. Wa silo ẹfe gboo nẹ vbe ẹdẹ okiekie na.

I Pita 1:24

Zẹ vbene ebe kha re, “Te emwa hia ye vbe irunmwu ne oha, uyi ẹre hia ye vbe obobo ẹre. Irunmwu wu, obobo ẹre kharha kua,

I Pita 5:7

Ye enegbe ruẹ hia yan rẹn, rhunmwuda, rẹn ọre ọ gbe aro ghe ruẹ.