Psalm 39:12 - Edo Bible (E Baibol Ẹdo) Version 1996

¹² Họn erhunmwu mwẹ Nọyaẹnmwa ne u vbe rhie ehọ ye eve mwẹ larre ne u do yọmwẹ obọ vbe I a gha viẹ. Ẹghẹ kherhe ọ re I mwẹ ne I gha ya vbe ehe ne u ye. Zẹ vbene avbe erha mwẹ odede vbe ye.

Psalm 39:12 ပူးပေါင်းရင်းမြစ်များ

Gẹnẹsis 21:34

Ebraham kegha rre ẹvbo avbe Filistin vbe ẹghẹ ne ọ taẹn.

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

II Ọba 20:5

wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.

I Krọnikol 29:15

E Nọyaẹnmwa, wẹ rẹnrẹn wẹ te ima la agbọn na gberra vbe emwa ni rrie iwe kevbe ekhẹn vbene avbe enikaro vbe ru. Te ẹdẹ agbọn mwa yevbe aghọnghọn ni rhie gberra khian, ma i sẹtin lẹ uwu fe.

Job 13:28

Rhunmwuda ọnii nian, I keghi vbiolo kua zẹ vbe erhan ne ọ kẹkẹe, kevbe zẹ vbe ẹwu ne arriukpa re.”

Job 16:20

Avbe ọse mwẹ sọnnọ mwẹ, aro mwẹ keghi gbe ameve kua ghe ehe ne Osanobua ye.

Psalm 102:1

Rhie ehọ ye erhunmwu mwẹ Nọyaẹnmwa, vbe họn urhu mwẹ vbe I nọ iyobọ.

Psalm 116:3

Ẹbe ọghẹ uwu te lẹga mwẹ; orrirri idin te lẹga mwẹ; ohan kevbe ohawa te ra gbe mwẹ uan.

Psalm 119:19

Ovbi ẹghẹ kherhe ọ re I ya rre agbọn na, ghẹ rhie iyi ruẹ lẹre mẹ.

Psalm 119:54

Vbe ovbi ẹghẹ kherhe ne I ya ẹe vbe agbọn te I ya avbe iyi ruẹ gha so ihuan.

Psalm 56:8

Wẹ rẹn vbene obọ orueghe da mwẹ sẹ hẹ, wẹ gbẹnnẹ ẹmwẹ ameve mwẹ ye otọ nẹ, a ma mwamwa iran ye otọ vbe ẹbe ruẹ ra?

Psalm 90:9

Ohu ruẹ, fian ẹdagbọn mwa kanmwa, ọ hoho ua, zẹ vbe ẹmwẹ ewẹwẹwẹ.

Levitikọs 25:23

“Wa ghẹ khiẹn otọ uwa fua fẹẹrẹ, rhunmwuda ẹ i re ọwuẹ ọghe Osanobua nọ, te uwa ye vbe orhunmwuyẹn ne a kue yọ ẹre ne ọ gha lo ẹre.

II Kọrinti 5:6

Rhunmwuda ọna ọre udu na hu ima vbe ẹghẹ hia. Ma rẹnrẹn wẹ, ẹghẹ ne ima a rhirhi ya vbe uwu egbe na, te ima lahin uwu owa Nọyaẹnmwa rre.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.