Psalm 38:6 - Edo Bible (E Baibol Ẹdo) Version 1996

⁶ Te I ghi hie fo vbe uhanbọ, a rẹnkhẹn mwẹ uan, te I ghi khiẹ ne ebi ro.

Psalm 38:6 ပူးပေါင်းရင်းမြစ်များ

Job 30:28

Ekhọe akhiẹ ọ re I dada khian, vbene uwanmwẹ ọviẹn i na vbe rrọ. I kpaegbe vbe aro agbọn hia rinmwian iyobọ.

Job 7:5

Ọ khọe gba mwẹ egbe hia, te ehia ghi bannọ gheghe, ẹtẹ mwẹ hia gha ro kua.

Psalm 107:17

Eso kegha re akpa vbọ, iran ni gha rri oya ba ẹmwẹ orukhọ iran, kevbe ba ẹmwẹ ọkhọ ne iran ru.

Psalm 145:14

Ọ ru iyobọ ne iran ni rre uwu ibaro, ọ munọ iran ni dele kpaegbe.

Psalm 31:10

Egbe wọ mwẹ rhunmwuda akhiẹ. Eve fian ẹdẹ mwẹ kanmwa. Olọghọ ne I ye guọghọ mwẹ egbe ye otọ. Te avbe ugboloko mwẹ ghi rẹnhuan.

Psalm 35:14

Zẹ vbene I gha na erhunmwu ne osẹ mwẹ ra ọtẹn mwẹ. Akhiẹ keghi so mwẹ uke, vbe ọmwa ne ọ khiẹ iye ẹe.

Psalm 42:5

Vbọzẹ yi ne ekhọe mwẹ na rhia vbenian? Vbọzẹ ne orhiọn mwẹ ma na sẹ otọ? I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ kevbe Osanobua mwẹ.

Psalm 42:9

Mẹ tama Nọyaẹnmwa ne ọ gbinna mẹ wẹẹ, “Vbọzẹ ne u na mianmian mwẹ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?”

Psalm 43:2

Wẹ ọ re ọ degue mwẹ, vbọzẹ ne u na he mwẹ ye otọ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?

Psalm 57:6

Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Psalm 6:6

Akhiẹ dunmwu mwẹ uan nẹ, asọn asọn ọ re ukpo mwẹ ya lẹ amẹ, ameve keghi ro ye ukohunmwu mwẹ.

Psalm 88:9

Te aro mwẹ ghi ghe vbirrivbirri rhunmwuda usẹ e Nọyaẹnmwa ẹdẹgbegbe ọ re I ya tu tie ruẹ. I ghi vbe viọ obọ da okhunmwu ghe ruẹ gha na erhunmwu.

Aizaia 38:14

Urhu mwẹ ye wẹnrẹn, ọ ma vbe wegbe I ke gha tu ye uwu ẹko zẹvbe idu. Te aro mwẹ ghi ye kuọkuọkuọ, ne I ya ghe odukhunmwu. E Nọyaẹnmwa, wọlọ mwẹ hin uwu avbe ọlọghọmwa na rre.