Psalm 37:8 - Edo Bible (E Baibol Ẹdo) Version 1996

⁸ Ghẹ rhie otọ ne ohawa ra ohu, ọlọghọmwa ọ re iran si rre.

Psalm 37:8 ပူးပေါင်းရင်းမြစ်များ

I Ọba 11:22

Ọba keghi nọ rẹn wẹẹ, “Vbọzẹ, I ma ru ne uẹn sẹ ra? Ọnii ọ si ẹe ne u na ho ne u dọlegbe gha rrie owa ra?” E Hadad keghi wanniẹn ọba ẹmwẹ wẹẹ, “Hẹko gunmwẹ gha khian.” E Hadad keghi wa gha re oghian dan ọghe Izrẹl zẹ vbene ọba Idọm vbe ye.

Job 18:4

Te u ye ohu ne u mu na ru ikuanegbe ne egbe ruẹ. Emwa gha lẹ kua hin otọ agbọn rre ra rhunmwuda ighẹ ohu mu uwẹ? Te Osanobua ghẹ ghi silo avbe oke nekhua vbọlọ ra ne ẹko miẹn ehe na rhiẹnrhiẹn?

Job 5:2

Ne ọmwa, rhunmwuda ighẹ emwi sọnnọ ẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ọre nọ.

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 73:15

Akpawẹ te I ta egbe ẹmwẹ vberriọ mẹ i ghẹ yin uyinmwẹ emwa ruẹn.

Itan 14:29

Adeghẹ wẹ hẹko zin egbe, ọmẹwaẹn ọ re u khin, egbe gha balọ ọ, te u rhie ma kẹkan vbene u kọn sẹhẹ.

Itan 16:32

Ọmwa ne ọ ziengbe ọ re ọ maa sẹẹ ne ọ hẹ ẹtin. Ọmwa sẹtin kha yan egbe ẹre ọ re ọ maa sẹẹ ọ kha yan okpẹvbo.

Jona 4:1

Emwi na ma zẹdẹ yẹ e Jona, ohu keghi mu ẹẹn.

Jona 4:9

Sokpan, Osanobua tama rẹn wẹẹ, “Ohu ne uwẹ mu ye ẹmwẹ erhan na khẹ kuẹ ra?” E Jona keghi wanniẹn wẹẹ, “Ohu ne ọ mu mwẹ sẹ ne ọmwa ya wu.”

Ẹfisọs 4:26

Deghẹ ohu muẹn, ghẹ gie ohu ne ọ muẹn ya a ru orukhọ, ghẹ vbe mu ohu la ẹdẹ hoho.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

Kọlose 3:8

Banbanna nian, te uwa gha sẹ avbe emwi na hia rae, ohu orriarria kevbe ẹko ọmwa khọ ọmwa. Ghẹ tie ihẹn ra ne u gha ta ẹmwẹ ihin ladian vbe unu.