Psalm 37:4 - Edo Bible (E Baibol Ẹdo) Version 1996

⁴ Gha gualọ ọyẹnmwẹ ruẹn vbe uwu e Nọyaẹnmwa; rẹn gha vbe rhie iho ekhọe ruẹ ne uẹn.

Psalm 37:4 ပူးပေါင်းရင်းမြစ်များ

Job 22:26

Ẹghẹ nii, te u gha mu ẹtin yan Osanobua vbe ẹghẹ hia. U ghi do miẹn wẹ obọ ẹre oghọghọ ruẹ kerre.

Job 27:10

Oghogho ne ọ rhie rre gha te gha yẹ iran. Te iran gha na erhunmwu gha ere vbe ẹghẹ hia.

Job 34:9

Ọ wẹ uhunmwu agbọn I zẹdẹ rrọ, ne a gha ru emwi esi ne a hia ne a lele vbene Osanobua ho.

Psalm 104:34

Te ihuan ne I so gha yẹ ọre, rhunmwuda, ehe ne irẹn ye, ọre orhiẹnrhiẹn mwẹ ke rre.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Itan 10:24

Emwi ne emwa ẹmwata ho ghi gha sẹ iran obọ, sokpan, emwi ne ohan rẹn mu avbe emwa dan sẹẹ, ọ re iran ra gha miẹn.

Ihuan Ne Ọ Sọọ Ihuan Hia 2:3

Vbene otiẹn ye vbe ẹbu erhan vbe ẹgbo, erriọ ọ re enida mwẹ ye vbe ẹbu ikpia ọvbehe. Aghọnghọn rẹn yẹ mwẹ ne a tota yi ọmọ rẹn wa vbe rhiẹnrhiẹn mwẹ.

Aizaia 58:14

Ẹghẹ nii, wẹ gha miẹn oghọghọ ne a miẹn vbe uwu ugamwẹ mwẹ. I gha ya uwa khian ne a yọghọ na vbe otọ agbọn hia, wa gha vbe rriere otọ ne I mu ne Jekọb ne erha uwa odede. Mẹ ne Nọyaẹnmwa tae nẹ.”

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iyẹn ne ọ Maan Ọghe Jọn 15:7

A deghẹ wa di uwu imẹ ya, ighẹ ẹmwẹ mwẹ vbe rre uwu uwa, ẹghẹ ni, wa gha nọ emwi ne ọ rhirhi khọn uwa, ọ gha sẹ uwa obọ.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.