Psalm 37:35 - Edo Bible (E Baibol Ẹdo) Version 1996

³⁵ I rẹn ọmwa dan ọkpa ne akuobisi yi, ọ kevbe hin yan emwa hia zẹvbe isida e Lebanọn.

Psalm 37:35 ပူးပေါင်းရင်းမြစ်များ

II Samuẹl 18:14

E Joab keghi wanniẹn wẹẹ, “I i ghi sẹtin guẹ rhọ eghẹrẹ vbe emwa na.” Ọ keghi viọ asoro eha, ọ na halọe ye Absalọm ẹwẹe, vbe ọ ma he ye wu vbe ehe ne ọ na khuakhua ye erhan nii.

II Samuẹl 18:15

Ẹre iran igbe vbe ivbiyokuo e Joab na sikẹ Absalọm, iran na gbe ẹe rua fo.

Ẹsta 5:11

Ọ keghi gha rhuọ ma iran vbene irẹn fe hẹ, inu emọ ikpia ne irẹn mwẹ vbene ọba vbe rhie irẹn ye ukpo nọkhua hẹ kevbe vbene irẹn mwẹ uyi sẹ emwa ọvbehe hia ni rre ukpo asẹ vbe oga ọba hẹ.

Job 5:3

I miẹn avbe akpa eso, ne ọ yevbe ne ẹkun wa sẹ ọre otọ yi. Sokpan, i keghi tie ihẹn udomwurri ye owa iran.

Jerimaia 12:2

U gbọ iran, iran keghi zẹlẹ inian iran wan rẹn, iran keghi mọ. Ẹghẹ hia iran ya so eni ruẹn ne ọ maa sevba, iran i mobọ zẹ ye uwẹ re.

Ezikiẹl 31:18

“Ọba Igipt ọrọre erhan ne a kha na, ke ẹe kevbe emwa rẹn hia. Avbe erhan ni rre Idẹni ma te tan vba iran ra ne iran sughe vba iran. Sokpan, banbanna nian, zẹ vbe avbe erhan ne ọ rre Idẹni, ọ gha tuorre gha rrie ẹvbo emwa ni wulo nẹ, ne ọ vbe ya deba avbe emwa dan, kevbe avbe emwa ne a gbele vbe okuo. I tae nẹ.” Erriọ e Nọyaẹnmwa ne Udazi khare.

Ezikiẹl 31:5

Rhunmwuda ne a na gbe amẹ khakha ẹe ẹsẹse. Ọ keghi tan sẹẹ avbe erhan ọvbehe hia fẹẹrẹ. Abọ ẹre keghi tan, ọ keghi kọnkọn.

Daniẹl 11:19

Nene ọba ne a kha na gha werriegbe gha rrie ehe ne a gbe odin ga ọghe ẹvbo irẹn sokpan, a gha khọn miẹn ẹre otọ. ọghe irẹn ghi vbe fo ye evba.

Daniẹl 4:7

Ẹre avbe ọbo hia, avbe ebo edunna hia, avbe azẹn kevbe avbe iwe uki, a na viọ ehia bu mwẹ gha dee, I na ta imina mwẹ ma iran; sokpan iran ma sẹtin rhan otọe ẹre.

Daniẹl 8:24

Rẹn gha wa wegbe sokpan, ẹ i re vbekpa ẹtin obọ ẹre. Ọ gha wa rhia emwi nibun ọghe ọhanabe, emwi hia ne ọ ru ghi wa vbe gha dinnodẹ ne ẹẹn. Ọ gha si ọfuan ye emwa ni mwẹ ẹtin nibun egbe, kevbe avbe emwa Osanobua.