Psalm 37:34 - Edo Bible (E Baibol Ẹdo) Version 1996

³⁴ Hẹnhẹn idaehọ ruẹ yan e Nọyaẹnmwa gha mu uhi ẹre sẹ ọ gha mu otọe ni ne uẹn. Ne ọ ya mu ọghọ yuẹ egbe. U gha vbe miẹn ọẹn vbe a gha khulo emwa dan ladian.

Psalm 37:34 ပူးပေါင်းရင်းမြစ်များ

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Psalm 112:8

Ẹ i hawa, ohan i muẹn; ọ rẹnrẹn ighe aro irẹn gha sẹ ọe, vbe obọ a rhanmwẹ avbe eghian rẹn.

Psalm 112:9

Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Psalm 25:13

Agbọn gha ma iran ẹghẹ hia, ivbi iran gha vbe yan otọe nii.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Psalm 37:7

Zin egbe ne u rhie ẹghẹ ne Nọyaẹnmwa ya winna. Ghẹ si osi ye ẹmwẹ iran ne agbọn maa rẹn, ra ye emwa ne iro dan ne iran zẹ dunna na.

Psalm 37:9

Iran ni mu ẹtin yan e Nọyaẹnmwa, ọ re ọ ra yan otọe ni, sokpan, a gha khulo avbe emwa dan ladian.

Psalm 91:8

Wẹ gha ghe ẹre, aro ruẹ ghi vbe miẹn vbe ne a rri emwa dan oya hẹ.

Psalm 92:12

Ọmwata gha wan zẹ vbe udin iran gha wan zẹvbe isida ni rre Lebanọn.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Itan 29:16

Emwa dan gha rre asẹ, a rra uhi ghi gha biẹ yọ. Sokpan, ọmwata gha tọ miẹn iyeke emwa vberriọ.

Aizaia 57:13

Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”

Matiu 24:13

Sokpan ọmwa ne ọ da ẹe yi ya sẹ ufomwẹ, ọre a gha miẹn fan.

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

I Pita 5:6

Rhunmwuda ọnii nian, gha mu egbe rri otọ vbe odaro obọ ẹtin nọkhua ọghe Osanobua, ne irẹn miẹn ehe na tọn ọn mu vbe ẹghẹ ne ọ keyi vbe aro ẹre.