Psalm 37:31 - Edo Bible (E Baibol Ẹdo) Version 1996

³¹ Ọ ghi rhie uhi Osanobua ẹre ye ekhọe ẹi vbe bi egbe hin rre ẹdẹ.

Psalm 37:31 ပူးပေါင်းရင်းမြစ်များ

Job 23:11

Odẹ ne ọ zẹ ye otọ ọ re I wa lele I i vbe ghe obọ na ra obọ nii.

Psalm 1:2

Sokpan, ẹko iran ghi gha rhiẹnrhiẹn ye Uhi e Nọyaẹnmwa ne a mu sẹ, iran ghi vbe gha ruẹ ọre, avan kevbe asọn.

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Psalm 119:98

Iyi ruẹ rrọ mwẹ ekhọe vbe ẹghẹ hia, ọ keghi ya mwẹ wan sẹ avbe eghian mwẹ.

Psalm 121:3

Rẹn i ra giẹ uwẹ de, ọmwa ne ọ rhie ruẹ lẹre, ẹ i vbiẹ.

Psalm 17:5

Odẹ ruẹ ọ re I la khian ẹdẹ, I ma he bibi odẹ hin rre ẹdẹ.

Psalm 37:23

E Nọyaẹnmwa ọ re ọ dia ọmwa ye odẹ ne ọ gha la, ọ ghi vbe gha degue iran ni ru vbene ọ yẹ ọre.

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Psalm 40:9

Vbe ehe ne avbe emwa ruẹn na si koko Nọyaẹnmwa mẹ keghi na iyẹn nọma ni wẹ, wẹ ọ re ọ miẹn mwa fan. Wẹ rẹnrẹn wẹ mẹ i ra dobọ ẹre ne a ta yi.

Psalm 44:18

Ma ma he fi owẹ dọn ghe ruẹ ma ma he rra iyi ne u yi.

Psalm 73:2

Sokpan iro te han mwẹ nẹ, te iyayi mwẹ ghi te ra wirua.

Itan 14:15

A i miẹn ẹmwẹ ne akpa i yayi, avbe umẹwaẹn, te iran ghe owẹ zẹ vbe otọ.

Itan 4:4

erha mwẹ gha ma mwẹ emwi, ọ ghi kha wẹẹ, “Ye ẹmwẹ ne I tae rre ghẹ mianmian ẹẹn. Gha ru vbene I tama ruẹn, u gha diagbọnya.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Ezikiẹl 27:6

Iran ya viọ erhan okan ke Basian rre ne iran ya ru obele; iran keghi ya erhan ne ọ ke Saiprọs rre wa otọ ruẹ. A keghi ye akọn eni ru uwu ẹre.

Diuteronomi 6:6

Ghẹ mianmian avbe uhi ne I viọ ne uwa na ẹdẹnẹrẹ na ẹdẹ.

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.