Psalm 37:27 - Edo Bible (E Baibol Ẹdo) Version 1996

²⁷ Fi iyeke gbe ọkhọ, gha ru emwiesi, ivbi uniẹn ruẹn gha yin otọe nii rhinrin ẹdẹ.

Psalm 37:27 ပူးပေါင်းရင်းမြစ်များ

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 102:28

Avbe ivbi mwa gha rrọọ vbe ai mwẹ ẹbe, kevbe wẹ, rhunmwuda ighe wẹ ọre ọ tan obọ gue iran avbe ivbi iran gha rrọọ zẹ vbe emwa ne ẹkun sẹ ọre otọ.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Taitọs 3:14

Ma emwa ima ẹre ne iran gha lo ẹghẹ iran ya winna iwinna esi, ne iran gha khuan ye emwi ne ọ kere ne a gha mwẹ. Wẹ ne iran ghẹ gha rre agbọn ọ rhiae.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.