Psalm 37:19 - Edo Bible (E Baibol Ẹdo) Version 1996

¹⁹ Iran i ra sẹ usẹ vbe ẹghẹ emwi dan; iran gha mwẹ zẹ vbene iran ho vbe ẹghẹ ukhunmwu.

Psalm 37:19 ပူးပေါင်းရင်းမြစ်များ

Psalm 33:19

Ọ miẹn iran fan vbe obọ uwu, ọ gie iran gha rre agbọn, vbe ẹghẹ ukhunmwu.

Itan 10:3

E Nọyaẹnmwa i ra gie ohanmwẹ gbe ẹmwata, sokpan, ẹ i ra gie emwi ne emwa dan ho sẹ iran obọ.

Asan-Ibo 9:12

U i sẹtin rẹn ẹghẹ ne ẹghẹ ruẹ gha ya rre. Zẹ vbene ifi mu ahianmwẹ vbe udomwurri, zẹ vbe ehẹn ne ọga mu, erriọ ọ re emwi dan zẹdia sunu vbe egbe mwa, vbe a ma ro a ma kọ.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Emọs 5:13

Rhunmwuda ọnii, ọmwa wa hẹko hunwan ọ re ọ maa sẹ vbe egbe ẹghẹ dan vbenian!

Maika 2:3

Rhunmwuda ọnii, e Nọyaẹnmwa keghi kha wẹẹ, “I ra ru ẹe ne ọkhọ rruan uwa, wa i vbe lẹ ọre fe. Orueghe ọ re uwa ra miẹn na, ẹghẹ nii, wa i ghi ra gha khian ọkhian uhiomwẹ ọvbehe.

Ẹfisọs 5:16

U gha miẹn ẹkpo otọ ya ru emwi, u ghi lo ẹre ẹsẹse rhunmwuda, ẹghẹ ne a ye na i maa.