Psalm 37:15 - Edo Bible (E Baibol Ẹdo) Version 1996

¹⁵ Sokpan, umozo iran tobọ iran ọ re ọ ra gbele iran, a ghi vbiolo uhanbọ iran an.

Psalm 37:15 ပူးပေါင်းရင်းမြစ်များ

II Samuẹl 17:23

Ahitofẹl ghi miẹn wẹ, a ma rhie iro ne irẹn zẹẹ, ọ na rhunmwuda ọnii gbalọ ekẹtẹkẹtẹ ọre, ọ na gha rrie ẹvbo ẹre. Ọ ghi mwamwa emwi hia ye ihe nẹ, ọ na ya zẹgbẹle. Iran keghi re ẹre ye idin ẹgbẹe ọre.

Ẹsta 9:16

Avbe Ju ni rre iyaẹvbo kevbe si egbe koko, iran na gbinna ne egbe iran, iran keghi wabọ avbe eghian hin ehe ne iran ye rre, vbene iran na gbele arhin arria isẹn isen irrọvbe iyenẹ (75,000) ni khuiwu iran, sokpan, iran ma fu emwi viọ.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Psalm 34:22

E Nọyaẹnmwa gha miẹn emwa rẹn fan emwi rhọkpa i ra ru iran ni lẹgbinna ẹn.

Psalm 35:8

Sokpan, ọkhọ gha rruan iran vbe iran te rẹn, ifi ne iran khuẹn gha munọ iran. Iran ghi ya uhunmwu mu emwi ne iran mwamwaẹn.

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Aizaia 37:38

Ọ ghi sẹ ẹdẹ ọkpa, vbe ọ ghi ga vbe aro e Nisrọk ne ẹbọ ne ọ gho, eva vbe uwu avbe ivbi ẹre nikpia, Adramẹlẹk kevbe Siarezẹ, keghi ya umozo iran gbe ẹe rua, iran na lẹ gha rrie otọe Ararat. Ovbi ẹre nokpia ọvbehe ne a tie ẹre Esahadọn keghi rhie ihe ẹre zẹvbe ọgbaisi.

Jerimaia 51:56

Te iran rre do fuẹn Babilọn ruan kevbe ivbiyokuo ẹre hia, a vbe bunnọ uhanbọ iran. Osanobua ne ọ rria ikhi orukhọ mẹ khin, I gha ru e Babilọn emwi ne ọ ma ẹẹn.

Hozia 1:5

I gha fuẹn ẹtin ivbiyokuo Izrẹl vbe Iya e Jizrẹl vbe ẹghẹ nii.”

Hozia 2:18

Ogha sẹ ẹghẹ nii, mẹ gha gu avbe aranmwoha hia kevbe avbe ahianmwẹ ta ẹe kugbe, ne iran ghẹ kuan emwa mwẹ ọvbehe. I gha vbe viọ emwi igbinna okuo hia hin otọe nii rre, umozo kevbe uhanbọ hia I ghi gie emwa mwẹ gha rrọọ vbe ọfumwegbe kevbe ne a i na mwẹ ẹbe.

Maika 5:6

Iran gha ya emwi igbinna khọn Asiria mu otọ, otọe nii ne ọ re ọghe Nimrọd, iran gha vbe fannọ ima ye otọ vbe obọ ivbi Asiria vbe iran a mu okuo la otọe ẹvbo mwa.

I Samuẹl 2:4

A bunnọ uhanbọ ivbiyokuo ni wo, sokpan, nọma wegbe kegha wo yọ.

I Samuẹl 31:4

Rhunmwuda ọnii, rẹn keghi tama igbama ne ọ hẹ emwi igbinna mwẹ ọnrẹn wẹẹ, “Yuo umozo ruẹ ladian ne u gbe mwẹ uan ne avbe Filistin ni ma rẹn Osanobua na ghẹ ya ya mwẹ gbogiẹ, iran ke gbe mwẹ uan.” Sokpan ohan ma gie igbama nii ru emwi vberriọ. Ẹre Sọl ghi na rhie umozo ọghe irẹn, ọ na tobọ ẹre ziẹn egbe yọ.