Psalm 37:14 - Edo Bible (E Baibol Ẹdo) Version 1996

¹⁴ Avbe emwa dan yuo umozo iran an, iran vbe si uhanbọ iran tua, ne iran ya gbe ovbiogue kevbe ne ẹi mwẹ ne iran lọkọ iran ni ru emwi ẹse.

Psalm 37:14 ပူးပေါင်းရင်းမြစ်များ

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Psalm 11:2

Rhunmwuda avbe emwa dan si uhanbọ iran tua nẹ, iran vbe niẹn ifẹnmwẹ iran nẹ. Ne iran fi ọmwata vbe uwu ebiebi.

Psalm 35:10

Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Itan 29:10

Emwa ne okuo ọpia yẹ, te iran ra khuiwu ọmwa ne ọ ta ẹmwata, sokpan, emwa ẹmwata ghi hẹko tan obọ ga ọmwa vberriọ.

Itan 29:27

Ọmwata i ho ẹmwẹ ọmwa dan, ọmwa dan i vbe ho ẹmwẹ ọmwata.

Habakọk 1:13

Sokpan, vbe uwẹ ra sẹtin ziengbe avbe igbẹki ne emwa dan na hẹ yi? Aro ruẹ huan gbe ne ọ gha sẹtin ghe ọkhọ, wẹ i vbe sẹtin gha ghe ughe vbe emwa a gha ru emwi dan, vbọzẹ ne uwẹ na hunwan yi vbe iran dunmwu emwa ni maa sẹ iran an?

Iwinna 12:11

Ẹghẹ nii Pita na do rẹn emwi ne ọ sunu vbe egbe irẹn, ọ na wẹẹ, “Banbanna nian, I rẹnrẹn ighẹ ẹmwata gele nọ, Nọyaẹnmwa gie odibo ẹre ne ọ do miẹn mwẹ fan vbe obọ Hẹrọd kevbe hin obọ emwi ne avbe emwa e Ju te rhie aro yi ne iran ru.”

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

I Jọn 3:12

Ọ ma kei ne ima gha ye vbe Ken. Ọghe Ọmwa Dan ni rẹn khin, ọ keghi gbe ọtiọnrẹn ne okpia ua. Vbọzẹ ne Ken na gbe ẹe rua yi? Rhunmwuda ighẹ emwi ne irẹn ru ma gba, sokpan emwi ne ọtiọnrẹn ru keghi re ne ọ gbae.

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 24:17

Ẹre ọ na tama e Devid wẹẹ, “Wẹ ọ re ọ rri ase, mẹ ọ re ọ rukhọ. Te uwẹ wa gha maa mẹ, vbene imẹ na gha ruẹ khọ.