Psalm 37:11 - Edo Bible (E Baibol Ẹdo) Version 1996

¹¹ Sokpan avbe ọmẹhẹ ọ re ọ ra yan otọe nii iran ghi vbe gha ye ọfumwegbe zọmọ vbe uwu ẹre.

Psalm 37:11 ပူးပေါင်းရင်းမြစ်များ

Psalm 119:165

Iran ni ho ẹmwẹ uhi ruẹ fe vbe ẹbe fẹẹrẹ, emwi ne ọ gha sẹtin mu iran gbotọ i rrọ.

Psalm 25:13

Agbọn gha ma iran ẹghẹ hia, ivbi iran gha vbe yan otọe nii.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Psalm 72:7

Te uyinmwẹ ẹmwata gha muan yọ vbe ẹghẹ ọre, te ẹfe gha kpee vbe otọ la ẹghẹ ne uki gha ba la.

Aizaia 26:3

E Nọyaẹnmwa, wẹ ọ re ọ rhie ọfumwegbe ne iran, ni mudia ẹse vbe iro ekhọe iran iran na vbe mu ẹtin iran ya ruẹn.

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 57:13

Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”

Matiu 5:5

Ọ maa ne iran ni fu, iran ọre emwi ne Osanobua ve gha sẹ ọre obọ!

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Filipai 4:7

Te ọfumwegbe Osanobua, ne ọ gberra ne ọmwa ne agbọn gha sẹtin rẹn otọ ẹre gha rhie ekhọe kevbe orhiọn uwa mwẹ, vbe ne a i na mwẹ ẹbe vbe uwu Kristi Jesu.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.