Psalm 36:9 - Edo Bible (E Baibol Ẹdo) Version 1996

⁹ Ehe ne u ye ọ re arrọọ hia ke rre, uwanmwẹ ruẹn ọ re ima ya bẹghe.

Psalm 36:9 ပူးပေါင်းရင်းမြစ်များ

Job 29:3

Ẹghẹ nii, te Osanobua wa gha gun mwẹ rrọ vbe ẹghẹ hia. Ọ na gha rhie uwanmwẹ mẹ vbe I a gha khian vbe ebiebi.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 65:5

Wẹ rhie ewanniẹn ma vbekpa ne u na gie ima khọnmiotọ u keghi winna iwinna ọyunnuan nibun ya miẹn ima fan. Emwa ni rre otọ agbọn hia kevbe iyeke avbe okun ni rrei mu ẹtin yan ruẹn.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Aizaia 12:3

Zẹ vbene amẹ ne ọ furre, ya ẹko ọmwa ne ovbamẹ gbe rhiẹnrhiẹn erriọ emwa Osanobua ghọghọ vbe ọ gha miẹn iran fan.”

Aizaia 2:5

Banbanna nian, wa ne ivbi uniẹn e Jekọb wa gie ima gha khian vbe uwu uwanmwẹ ne Nọyaẹnmwa rhie ne ima.

Aizaia 60:19

“Ovẹn i ghi ra gha re uwanmwẹ ruẹn vbe avan ọvbehe, ra ne uki gha re uwanmwẹ ruẹn vbe asọn, mẹ ne Nọyaẹnmwa ọ re ọ ra gha re uwanmwẹ ruẹn ọghe etẹbitẹ. Uwanmwẹ uyi mwẹ gha wan mu uwẹ egbe.

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Jọn 1:7

Sokpan deghẹ ma rre uwu uwanmwẹ zẹ vbene irẹn vbe rre uwu uwanmwẹ, ẹghẹ nii, ọre ima na gu egbe mu obọ, esagiẹn Jesu ne Ovbi ẹre ghi ye ima khian ne ọ huanrẹn hin orukhọ hia rre.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Arhie Maan 21:6

Rẹn keghi kha wẹẹ, “A ru nẹ, Mẹ ọrọre Alfa kevbe Omega, omuhẹn kevbe ufomwẹ. Ọmwaikọmwa ne ohanmwẹ amẹ gbe I gha sa nẹẹn wọn ọghe ọhẹ vbe amẹ ne ọ ke uhunmwu ẹzẹ ẹfe ni rre.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.