Psalm 36:4 - Edo Bible (E Baibol Ẹdo) Version 1996

⁴ Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Psalm 36:4 ပူးပေါင်းရင်းမြစ်များ

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 6:4

Ọba keghi nọ wẹẹ, “Irriegie mwẹ rhọkpa rre ẹguae ra?” Vbe ẹghẹ ne a kha na te Haman he wa da la ẹguae ne ọ do khama ọba wẹ ne a si Modekai rrọ ye ehe ne a si emwa rrọ yi ne irẹn ru ye otọ.

Job 15:16

Ọmwa nagbọn ghi gha si ọkhọ wọn zẹ vbe amẹ, ẹn, te ọmwa kẹkẹ ua, te ọ wa ku ogboi.

Psalm 38:12

Iran ni ho ne iran gbe mwẹ uan, khuẹn ifi khẹ mwẹ; iran ni ho ne iran kuan mwẹ gha yan wẹ te iran ra miẹn mwẹ uhunmwu. Iran i dobọ uma ne a si ghe mwẹ yi.

Psalm 52:3

U ho ẹmwẹ emwi dan sẹẹ emwi esi, kevbe ohoghe sẹẹ ẹmwata.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Itan 24:2

Iro ne iran zẹ ma gberra ne a gha si ẹti khian, ẹghẹikẹghẹ ne iran a rhirhi ya rhan unu iran, ọ ghi zẹ ẹbe ne emwa ọvbehe eso.

Itan 24:23

Avbe emwa ẹwaẹn ọ re ọ vbe guan avbe ẹmwẹ na. Emwi ne ọ ma gba nọ ne ọmwa ne ọbuohiẹn ka gha mwẹ ẹmwẹ nii vbe ekhọe nẹ.

Itan 4:16

Emwa dan i miẹn ovbe vbiẹ vbe ẹ i re te iran ru emwi eso ne ọ ma gba nẹ. Iran ghi rhan aro ua ye ukpo, sokpan te iran ghi kuan emwa eso nẹ.

Aizaia 65:2

Te imẹ te wa mu egbe vbe ẹghẹ hia ne I ya miẹn avbe emwa mwẹ yi, iran ni ya izevbudu ru emwi ne ọ ma gba, iran na gha ru ọghe iran khian.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Jerimaia 8:6

I wa gbe ehọ kotọ gha danmwehọ, sokpan wa ma ta ẹmwata. A ma miẹn ọkpa ne ọ vbe khiẹ ye ẹmwẹ emwi dan ne ọ ru. A ma miẹn ọkpa ne ọ, vbe nọ wẹẹ, ‘De emwi ne I baku ru?’ Dọmwadẹ ọghọe wa rhie uhunmwu da odẹ ọre zẹ vbe ẹsin ne ọ khọn rrie okuo.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Arhie Maan 2:2

I rẹn emwi ne u ru nẹ. I rẹn vbene u kakabọ winna hẹ, kevbe vbene u ziengbe emwi sẹ hẹ. I rẹnrẹn wẹ u i rhie otọ ne avbe emwa dan, u vbe danmwẹ iran ghe nẹ, ighẹ iran ni wẹ ukọ iran khin, vberriọ iran i zẹdẹ re ọre, u keghi gualọ otọ iran miẹn wẹ ọhọn ohoghe iran khin.

I Samuẹl 19:11

Vbe asọn ọkpa nii, e Sọl keghi gie emwa eso ne iran ya gha khẹ owa e Devid, ne iran gbe ẹe rua vbe ẹdẹ a ghi gbe. Ẹre Mikal ne amwẹ Devid na ya tama rẹn wẹẹ, “A deghẹ u ma lẹfua asọn na, ikun ruẹn ọre a khian mu ẹdẹ ne akhuẹ.”