Psalm 36:10 - Edo Bible (E Baibol Ẹdo) Version 1996

¹⁰ Ye gha ho ẹmwẹ iran ni rẹn ruẹn ne u vbe gha ru iran ne ẹmwata emwi esi.

Psalm 36:10 ပူးပေါင်းရင်းမြစ်များ

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 9:10

Nọyaẹnmwa, iran ni rẹn ruẹn gha mu ẹtin yan ruẹn. Wẹ i fi iyeke gbe ọmwaikọmwa, ne ọ lẹ bu ruẹ rre.

Aizaia 2:5

Banbanna nian, wa ne ivbi uniẹn e Jekọb wa gie ima gha khian vbe uwu uwanmwẹ ne Nọyaẹnmwa rhie ne ima.

Jerimaia 22:16

Te ọ gha danmwehọ ẹzọ ovbiogue sẹ otọ emwi hia keghi maa ne ẹẹn. Ọnii ọ re a ya a rẹn e Nọyaẹnmwa kha.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 31:3

I keghi rhie egbe ma iran vbe urria. Ivbi Izrẹl, ẹghẹ hia ọ re I ya gha ho ẹmwẹ uwa, rhunmwuda ọnii, I keghi ye gha mwẹ aho ne ẹ i beghe ghe uwa.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Hibru 8:11

Ọkpa ne ọ gha ghi vbe gha ma ihua ẹre emwi i rrọọ, ra ne ọmwa ọkpa vbe tama ovbi ẹvbo ẹre wẹẹ, ‘Rẹn Nọyaẹnmwa.’ Rhunmwuda, iran hia gha rẹn mwẹ, ke egbe ne ọ kanmwa sẹ ya sẹ ne ọ kpọlọ sẹ.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.