Psalm 36:1 - Edo Bible (E Baibol Ẹdo) Version 1996

¹ Orukhọ gu ọmwa dan guan vbe uwu ekhọe ẹre, ọ he Osanobua ye otọ, ẹi vbe ya ọghọ ne ẹẹn.

Psalm 36:1 ပူးပေါင်းရင်းမြစ်များ

Gẹnẹsis 20:11

Ebraham keghi wanniẹn wẹẹ, “Te I te gha ro wẹ ọmwa nọ mu ohan Osanobua i rre edinran kevbe wẹ, iran gha gbe mwẹ uan ne iran miẹn ehe na rhie ọvbokhan mwẹ.

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 143:12

Rhunmwuda ne u na ho ẹmwẹ mwẹ, gbele avbe eghian mwẹ hia a, vbe fuẹn iran ni zẹmwẹ kpokpo ua, rhunmwuda, ọguọmwadia ruẹ mẹ khin.

Psalm 18:1

A miẹn vbene I ho ẹmwẹ ruẹn hẹ Nọyaẹnmwa, wẹ ọrọre ọmwa ne ọ gbinna mẹ.

Psalm 90:1

E Nọyaẹnmwa, wẹ ọrọre owa mwa ẹdẹdẹmwẹdẹ.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 20:11

Ọvbokhan sẹtin rhie egbe ọmwa ne irẹn khin ma vbekpa vbene ọ ru emwi hẹ, wẹ gha wa rẹn a dẹghe ọmwa esi ne ọ ta ẹmwata ọ re nọ.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Ebe ne Pọl gbẹẹn gie emwa Rom 3:18

amawẹ ne iran ruẹ vbene a mu ohan Osanobua hẹ.”

Diuteronomi 34:5

Ẹre Mosis ne ọguọmwadia e Nọyaẹnmwa na wu vbe evba vbe otọ Moab zẹ vbene e Nọyaẹnmwa kha re ighẹ ọ gha ye.

II Timoti 2:24

Ọ ma kei ne ọguọmwadia e Nọyaẹnmwa gha gui ẹzọ. Ọ kere ne ọ gha tohan emwa hia, ọmaemwaemwi ne ọ maa kevbe ne ọ zin egbe.

Taitọs 1:1

E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.

I Samuẹl 18:22

Ọ keghi tama avbe ewọe ẹre ne iran hẹko tama Devid, “Ẹko ruẹ wa rhiẹnrhiẹn ọba, avbe ẹwae ẹre hia wa vbe ho ẹmwẹ ruẹn, ẹghẹ ne ọ kere ne u ya rhie ovbi ẹre rọnmwẹ ọ re ọ na khin.”