Psalm 35:4 - Edo Bible (E Baibol Ẹdo) Version 1996

⁴ Iran ni ho ne iran gbe mwẹ uan, te obọ gha ke ukhunmwu ne iran, ne a fa iran an. Iran ni si uma ẹkhokho khuan khẹ mwẹ, te a gha khu iran werriegbe ne iro han iran.

Psalm 35:4 ပူးပေါင်းရင်းမြစ်များ

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

Psalm 129:5

Te obọ gha gba iran ni khuiwu e Zaiọn, ne a khulo iran werriegbe.

Psalm 35:26

Iran ni gbe igiogio ye usẹ ne ẹse mwẹ, te obọ gha vba iran, ne iro han iran. Iran ni wẹ iran maa sẹ mwẹ, emwiekhue kevbe efaa, ọ re ọ gha gba iran egbe.

Psalm 38:12

Iran ni ho ne iran gbe mwẹ uan, khuẹn ifi khẹ mwẹ; iran ni ho ne iran kuan mwẹ gha yan wẹ te iran ra miẹn mwẹ uhunmwu. Iran i dobọ uma ne a si ghe mwẹ yi.

Psalm 71:24

I gha na iyẹn umamwẹ ruẹn ne ebi ro, rhunmwuda, iran ni te ho ne iran kuan mwẹ, obọ gba iran a keghi fa iran an.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Aizaia 37:29

A do na iyẹn ma mwẹ nẹ vbene u gha vannọ kevbe vbene u gha rhuọ hẹ, banbanna nian, I gha ha ẹghọ ye uẹ ihue, I ghi gba ukhu ye uẹ akọn, I ghi mu ẹẹn la odẹ ne u la rre gha rrie.”

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Ezikiẹl 13:19

Wa sirra emwa mwẹ yagha mwẹ ne iran miẹn ehe na zẹ uguobọ ọka eso ne uwa, ne iran vbe viọ iku ebrẹd eso ne uwa. Wa gbele avbe emwa ne uwu ma khẹ ke, emwa ni ma khẹke ne iran gha rre agbọn, wa ghi sẹ iran rae. Erriọ wa ya ta ohoghe ma emwa mwẹ, iran ghi vbe gha rhie ẹmwẹ uwa.”

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Iyẹn ne ọ Maan Ọghe Jọn 18:6

Ugbẹn vbe Jesu ghi tama iran wẹẹ, “Mẹ ọna khin.” Iran bi ghe iyeke, iran keghi dele gbe otọ.

I Samuẹl 23:23

Wa gualọ otọ avbe ehe ne ọ wa lẹre yi dandaandan, ne uwa wa do tama mwẹ. Ẹghẹ nii, I ghi lele uwa gha khian, a deghẹ ọ ye rre ẹdogbo nii, I ghi gualọ ẹe miẹn, ọ gha khọn rẹn wẹ ne I gha na wa gualọ ẹe la otọ e Juda hia nọ.”