Psalm 35:22 - Edo Bible (E Baibol Ẹdo) Version 1996

²² Sokpan, wẹ miẹn ọna nẹ Nọyaẹnmwa, rhunmwuda ọnii, ghẹ hunwan Nọyaẹnmwa. Ghẹ vbe khian rrei ya gha rre urria.

Psalm 35:22 ပူးပေါင်းရင်းမြစ်များ

Psalm 10:1

Vbe u a na khian rrei sẹrriọ hẹ yi, Nọyaẹnmwa? Vbe u a ghi na rhie egbe lẹre hẹ yi? Vbe ima rre uwu ibaro?

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 22:11

Ghẹ khian rrei mẹ rhunmwuda, ibaro sikẹ mwẹ, ọmwa ne ọ gha yọmwobọ i rrọ.

Psalm 22:12

Eghian nibun lẹga mwẹ zẹvbe ẹkhuia ẹmila. Iran hia wa lẹga mwẹ zẹvbe ẹkhuia ẹmila ne ọ khọ, ne a miẹn vbe otọe Basian.

Psalm 22:19

E Nọyaẹnmwa, ghẹ khian rrei mẹ. Zẹgiẹgiẹ gha dee, ne u do miẹn mwẹ fan!

Psalm 28:1

E Nọyaẹnmwa ugue mwẹ, mẹ tu tie ruẹ. Họn urhu eve mwẹ a deghẹ u ma zẹ yọ mwẹ re, mẹ gha do ye vbe iran ni tuorre rriẹ ẹvbo ne iran ni wulo nẹ ye.

Psalm 38:21

Nọyaẹnmwa, ghẹ he mwẹ ye otọ. Osanobua mwẹ, ghẹ khian rrei mẹ!

Psalm 39:12

Họn erhunmwu mwẹ Nọyaẹnmwa ne u vbe rhie ehọ ye eve mwẹ larre ne u do yọmwẹ obọ vbe I a gha viẹ. Ẹghẹ kherhe ọ re I mwẹ ne I gha ya vbe ehe ne u ye. Zẹ vbene avbe erha mwẹ odede vbe ye.

Psalm 50:21

Wa ru avbe emwi na hia mẹ keghi hunwan kpọi wa keghi rhunmwuda ọnii gha ro wẹ, te imẹ yevbe uwa. Banbanna nian mẹ gu uwa gui nẹ I keghi rhan otọ ẹmwẹ nii ma uwa.

Psalm 71:12

Ghẹ khian rrei Osanobua; Osanobua mwẹ, zẹgiẹ gha dee do yọmwẹ obọ!

Psalm 83:1

Osanobua, ghẹ hunwan, ghẹ mudia ye ihọkpa, ghẹ ghe ẹmwẹ.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Aizaia 65:6

“I mwamwa oya ne I gha rri iran re yotọ nẹ. Avbe gbẹn abe ne a bu gbe iran yotọ nẹ. Mẹ i ra fi aro ua vbe emwi ne iran ru, I gha ha ẹre werriegbe ne iran

Iwinna 7:34

I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’