Psalm 35:21 - Edo Bible (E Baibol Ẹdo) Version 1996

²¹ Iran ba mwẹ ifi ẹzọ, vbene iran na go wẹẹ, “Ma miẹn emwi ne u ru nẹ.”

Psalm 35:21 ပူးပေါင်းရင်းမြစ်များ

Job 30:11

Rhunmwuda ne Osanobua na ya mwẹ khian ne ọ mitan ne ẹ i miẹn emwi ru. Te iran ghi wa ye ẹtin iran hia ye ọkpankpan yọ mwẹ egbe.

Psalm 22:13

Iran rhan unu iran zẹvbe oduma, iran viọ ihiẹn da mwẹ.

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Psalm 40:15

Iran ni ya mwẹ gbogiẹ te obọ gha vba iran ne iran gha ghe gbọọ.

Psalm 40:16

Iran hia ni bu ruẹ rre te iran gha ghọghọ ne iran vbe gha sẹ ọyẹnmwẹ te iran hia ni kpọnmwẹ ye imiẹnfan ruẹn gha kha wẹẹ, “U miẹn vbe Nọyaẹnmwa kpọlọ hẹ!”

Psalm 54:7

U miẹn mwẹ fan hin uwu ibaro mwẹ hia rre aro mwẹ miẹn ọẹn vbe obọ ke ukhunmwu ne avbe eghian mwẹ.

Psalm 70:3

Te obọ gha vba iran ni ya mwẹ gbogiẹ, ne iran bu aro ua.

Aizaia 9:12

E Siria vbe odẹ ahọ kevbe Filistia vbe odẹ orrie, rhan unu yotọ ne iran minọ Izrẹl re. Ọ rhe ye vberriọ, ohu e Nọyaẹnmwa ma he ye fo. Te ọ ye niẹn obọ ẹre ladian ne ọ rri iran oya.

Eve Orriara 2:16

Avbe eghian ruẹn hia gha ya a gbogiẹ iran ghi tọn aro ikhuiwu ye uẹ egbe. Iran ghi fi aranmwẹ ye irho gha kha wẹẹ, “Ma dunmwu ẹẹn ruan nẹ! Ẹdẹ ne ima rhie aro ye odẹ khẹ nii ọ re ọna khin!”

Ezikiẹl 25:3

Tama iran wẹ ne iran danmwehọ vbene I kha hẹ, mẹ ne Nọyaẹnmwa ne Udazi: Ẹko rhiẹnrhiẹn uwa a vbe uwa miẹn wẹ a mu awua la uwu Ọgua Osa mwẹ, a duẹ ọre ua ighe otọ Izrẹl, kevbe vbe a viọ ivbi e Juda gha rrie iwe.