Psalm 35:16 - Edo Bible (E Baibol Ẹdo) Version 1996

¹⁶ Iran keghi gọn aro ikhuiwu ghe mwẹ zẹ vbe emwa ni ye uke gbogiẹ.

Psalm 35:16 ပူးပေါင်းရင်းမြစ်များ

Job 16:9

“Osanobua yanghan mwẹ obọ vbe owẹ hẹ kua, rhunmwuda ighẹ ohu mu ẹẹn, ọ keghi suku aro a gha ghe mwẹ.

Psalm 37:12

Ọmwa dan khuan khẹ ọmwa esi ọ kevbe ye ikhuiwu gha ghe ẹre kọn-ọn.

Eve Orriara 2:16

Avbe eghian ruẹn hia gha ya a gbogiẹ iran ghi tọn aro ikhuiwu ye uẹ egbe. Iran ghi fi aranmwẹ ye irho gha kha wẹẹ, “Ma dunmwu ẹẹn ruan nẹ! Ẹdẹ ne ima rhie aro ye odẹ khẹ nii ọ re ọna khin!”

Iyẹn ne ọ Maan Ọghe Jọn 18:28

Iran keghi mu Jesu ke owa Kaiafas kpao gha rrie ẹguae Ne ọ khaemwisẹ. Owiẹ vbirrivbirri nọ. Avbe Ju ma ho ne iran la uwu ẹguae rhunmwuda ne iran ghẹ ru awua, ne iran miẹn ehe na rrie evbare Alagberra.

Iwinna 7:54

Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre.

I Kọrinti 5:8

Wa gie ima do ugie emwi ukpo mwa, sokpan ẹ i re ne a ya ebrẹd ne eyist nẹdẹ ni ye do, eyist orukhọ kevbe alama, sokpan ọghe ebrẹd ne ẹ i mwẹ eyist, ebrẹd uhuanmwẹ kevbe uhunmwu ẹmwẹ.