Psalm 35:10 - Edo Bible (E Baibol Ẹdo) Version 1996

¹⁰ Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Psalm 35:10 ပူးပေါင်းရင်းမြစ်များ

II Samuẹl 22:18

Ọ wọlọ mwẹ hin obọ enikhuiwu mwẹ rre, hin obọ avbe eghian mwẹ, ni wegbe sẹ mwẹ gbe.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 102:3

Agbọn mwẹ wa hoho ua khian vbe ighogho, ikinnegbe mwẹ wa giẹn vbe erhẹn.

Psalm 103:6

Ọmwa ne a zẹ kpokpo, ọre Nọyaẹnmwa bu ohiẹn na, ọ ghi vbe gie emwi ne ọ khẹ ke iran sẹ iran obọ.

Psalm 109:31

rhunmwuda, ọ gbinna ne ovbiogue ọ kevbe miẹn rẹn fan vbe obọ iran ni bu abe uwu gbee.

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Psalm 140:13

Vbe ẹmwata, ẹmwata gha rho ruẹ; iran gha rro vbe odaro ruẹ.

Psalm 146:7

ọ bu ohiẹn ne ọmwa ne a zẹ kpokpo, ọ ghi gha rhie evbare ne ọmwa ne ohanmwẹ gbe. E Nọyaẹnmwa fannọ avbe oleghan kua.

Psalm 18:17

Ọ miẹn mwẹ fan vbe obọ avbe eghian mwẹ ni wegbe kevbe iran ni khuiwu mwẹ, iran te wegbe sẹ mwẹ gbe.

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Psalm 22:24

Rẹn i mianmian ivbiogue, ra ne ọ fi aro a vbe iran rri oya, ẹi vbe fi iyeke gbe iran, sokpan, iran gha nọ iyobọ, ọ ghi khuẹnniẹn.”

Psalm 32:3

Ẹghẹ ne I ma na miẹn orukhọ mwẹ kue, I kegha dọn ba ẹmwẹ eve ne I viẹ ne ebi ro.

Psalm 34:20

Te Nọyaẹnmwa wa degue ẹre fo, a i vbe bun ọkpa vbe ugboloko ẹre.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 37:14

Avbe emwa dan yuo umozo iran an, iran vbe si uhanbọ iran tua, ne iran ya gbe ovbiogue kevbe ne ẹi mwẹ ne iran lọkọ iran ni ru emwi ẹse.

Psalm 38:3

Uwu obalọ ọ re I ghi ye, rhunmwuda ighe ohu mu ẹẹn. Emianmwẹ gba mwẹ egbe hia. Rhunmwuda orukhọ mwẹ.

Psalm 51:10

Yi orhiọn ne ọ huanrẹn ye uwu imẹ Osanobua, ne u vbe mu ekhọe ọgbọn ne ọ guobọ ruẹ ye uwu imẹ.

Psalm 51:8

Gunmwẹ họn urhu oghọghọ kevbe ọyẹnmwẹ a gha rhe miẹn ighẹ u lọkọ mwẹ u vbe rẹnkhẹn mwẹ uan nẹ, ẹko mwẹ gha ye dọlegbe rhiẹnrhiẹn.

Psalm 69:33

E Nọyaẹnmwa danmwehọ iran ne ẹ i mwẹ, ẹ i vbe mianmian iran ni rre ẹwẹdọ.

Psalm 71:19

Osanobua, ẹmwata ruẹ sẹ aro iso. Wẹ winna iwinna ọyunnuan nibun nẹ; ọmwa ne ọ ye vbe uwẹ i rrọ.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:25

De ọmwa ne a gha sẹtin ya gie Osanobua nọhuanrẹn? Ọmwa ọvbehe rrọ ne ọ yevbe irẹn ra?

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 20:13

Wa so ihuan ghe Nọyaẹnmwa, wa rho e Nọyaẹnmwa, ọ miẹn iran ne a wọ ẹre uhunmwu fan vbe obọ avbe emwa dan.