Psalm 34:9 - Edo Bible (E Baibol Ẹdo) Version 1996

⁹ Wa gha ya ọghọ ne Nọyaẹnmwa, wa ne emwa rẹn hia, iran ni mu ẹtin yan rẹn, i ra vbabọ emwikemwi.

Psalm 34:9 ပူးပေါင်းရင်းမြစ်များ

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 22:23

“Wa ne eguọmwadia e Nọyaẹnmwa, wa rho ẹre wa ya ọghọ ne ẹẹn, wa ne ivbi uniẹn Jekọb. Wa vbe ga ẹe, wa ne ivbi Izrẹl.

Psalm 23:1

E Nọyaẹnmwa ọrọre ọsuohuan mwẹ, mẹ i vbabọ emwikemwi.

Psalm 31:23

Wa ho ẹmwẹ e Nọyaẹnmwa, wa ne emwa rẹn, ni gie a mu ẹtin yan hia, e Nọyaẹnmwa ọ re ọ degue ọmwa ne ọ gie a mu ẹtin yan, sokpan, ọ ghi rri iran ni tọn egbe mu oya zẹ vbene ọ ma iran.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

Filipai 4:19

Debare, Osanobua mwẹ ne ẹfe ẹre kpọkua vbe uwu Kristi Jesu, gha kpe emehe emwi ne uwa i mwẹ hia.