Psalm 34:8 - Edo Bible (E Baibol Ẹdo) Version 1996

⁸ Wẹ tobọ gualọ otọ ẹre miẹn vbene Nọyaẹnmwa maa hẹ. Afiangbe ọrọre ọghe iran ni lẹgbinna ẹẹn.

Psalm 34:8 ပူးပေါင်းရင်းမြစ်များ

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Psalm 119:103

A miẹn vbe igiodẹ ruẹ rhiẹnrhiẹn hẹ, ọ gele wa rhiẹnrhiẹn sẹẹ owọn.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 36:10

Ye gha ho ẹmwẹ iran ni rẹn ruẹn ne u vbe gha ru iran ne ẹmwata emwi esi.

Psalm 36:7

Osanobua, ighobioye ọ re ahoẹmwọmwa ruẹn ne ẹi beghe khin. Ototọ aghọnghọn ifuẹn ruẹn ọ re ima lẹre yi.

Psalm 52:1

Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 84:12

Osa ne Oghodua, afiangbe ọghe iran ni mu ẹtin yan ruẹn.

Ihuan Ne Ọ Sọọ Ihuan Hia 2:3

Vbene otiẹn ye vbe ẹbu erhan vbe ẹgbo, erriọ ọ re enida mwẹ ye vbe ẹbu ikpia ọvbehe. Aghọnghọn rẹn yẹ mwẹ ne a tota yi ọmọ rẹn wa vbe rhiẹnrhiẹn mwẹ.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Jerimaia 31:14

I gha ye evbare ne ọ ghi maa sẹẹ koko avbe ohẹn ne ẹko vuọn iran I ghi vbe gie iho avbe emwa mwẹ sẹ iran ọkẹn. Mẹ ne Nọyaẹnmwa tae nẹ.”

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.