Psalm 34:4 - Edo Bible (E Baibol Ẹdo) Version 1996

⁴ I na erhunmwu ghe Nọyaẹnmwa, ọ keghi zẹ ẹmwẹ wanniẹn mwẹ; ọ kevbe fan mwẹ ye otọ vbe obọ ohan, ne ọ te mu mwẹ hia.

Psalm 34:4 ပူးပေါင်းရင်းမြစ်များ

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

Psalm 18:6

vbe uwu ibaro mwẹ, I da tie Nọyaẹnmwa, I da tie Nọyaẹnmwa ne ọ do yọmwẹ obọ. Ọ họn urhu mwẹ vbe uwu Ọgua Osa ẹre. Ọ họn ẹn vbe I da tie ẹre ne ọ do yọmwẹ obọ.

Psalm 22:24

Rẹn i mianmian ivbiogue, ra ne ọ fi aro a vbe iran rri oya, ẹi vbe fi iyeke gbe iran, sokpan, iran gha nọ iyobọ, ọ ghi khuẹnniẹn.”

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 35:27

Iran ni ho ne a bu ohiẹn mẹ, te iran gha wee ne oghọghọ, ne iran vbe gha tae khian wẹẹ, “U miẹn vbe Nọyaẹnmwa kpọlọ hẹ! Ẹko rhiẹnrhiẹn ọẹn vbe ọ gha dunna ne eguọmwadia ẹre.”

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Psalm 46:2

rhunmwuda ọnii, agbọn gha rhe kpẹngiẹn ighe te avbe oke nekhua werriẹ ku uwu odin okun, ohan i ra mu mwa.

Psalm 56:3

E Nọyaẹnmwa ne Oghodua ohan gha mu mwẹ I mu ẹtin yan ruẹn.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Jona 2:2

“I kpetie ruẹ Nọyaẹnmwa, vbe usẹ, mwẹ, wẹ keghi zẹ mwẹ wanniẹn mwẹ. Ehe ne ọ dinmwi vbe ẹvbo iran ni wulo nẹ I tu nọ iyobọ, u keghi họn ọghomwẹ.

Matiu 7:7

“Nọọn, ọ gha suọ obọ, gualọ, u gha miẹn, sobọ, a gha kie nuẹn.

Iyẹn ne ọ Maan Ọghe Luk 11:9

Ne I tama uwa nian: Nọ, ogha su ẹe obọ, gualọ, u gha miẹn, so obọ, a gha kie nuẹn.

II Timoti 1:7

Rhunmwuda, Orhiọn ne Osanobua rhie ne ima, ẹ i re ne ọ ya ima vbiẹre sokpan, te Orhiọn rẹn ya ẹtin vuọn ima kevbe aho ẹmwẹ ọmwa kevbe i ziengbe.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

I Samuẹl 27:1

E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”