Psalm 34:2 - Edo Bible (E Baibol Ẹdo) Version 1996

² 1 gha rho ẹre ye iwinna ne ọ winna ẹn. Wa gie emwa ne a zẹ kpokpo hia, damwehọ ne iran vbe gha ghọghọ.

Psalm 34:2 ပူးပေါင်းရင်းမြစ်များ

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Psalm 105:3

Wa gha ghọghọ wẹ ọghọe ma khin, wa gie emwa ni ga ẹe hia gha ghọghọ.

Psalm 119:74

Ọyẹnmwẹ gha sẹ iran ni ya ọghọ ne uẹn, vbe iran a dẹghe mwẹ, rhunmwuda, mẹ mu ẹtin yan avbe eyan ruẹn.

Psalm 142:7

Yuo mwẹ hin uwu irhiaẹko mwẹ rre, ẹghẹ nii, mẹ gha rho ruẹ, vbe uwu iko avbe emwa ruẹn, rhunmwuda ẹse ne u ru mẹ.

Psalm 44:8

Ma gha rho ruẹ vbe ẹghẹ hia ma ghi vbe gha rhie ekpọnmwẹ nuẹn rhinrin ẹdẹ.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Jerimaia 9:24

Adeghẹ ọmwa wẹ rẹn rhuọ emwi ne ọ gha ya rhuọ ọrọre wẹ ọ rẹn mwẹ ọ vbe rẹn vbene I ru emwi hẹ. Rhunmwuda ahoẹmwọmwa mwẹ i beghe, emwi ne ọ gbae kevbe ne ọ hẹnhẹn ọ re I ru. Mẹ ne Nọyaẹnmwa ta ẹe nẹ.”

I Kọrinti 1:31

Rhunmwuda ọnii zẹ vbene ebe khare, “Ọmwaikọmwa ne ọ ho ne irẹn rhuọ, wẹ ne ọ gha ye emwi ne Nọyaẹnmwa ru rhuọ.”

II Kọrinti 10:17

Sokpan zẹ vbene ebe kha re, “Ọmwaikọmwa ne ọ ho ne ọ gha rhuọ, wẹ ne ọ gha ye iwinna ne Nọyaẹnmwa winnaẹn rhuọ.”