Psalm 34:13 - Edo Bible (E Baibol Ẹdo) Version 1996

¹³ Adeghẹ erriọ nọ, ghẹ gha ta ẹmwẹ dan, ghẹ gha ta ohoghe.

Psalm 34:13 ပူးပေါင်းရင်းမြစ်များ

Job 15:13

Ohu Osanobua muẹn ẹsẹse, te u gha niẹn ukpe ghe ẹre.

Psalm 141:3

E Nọyaẹnmwa, rhie ọkhẹ yọmwẹ unu, kevbe abodẹ ye onurho akhuarhamwunu mwẹ.

Psalm 39:1

Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”

Psalm 55:11

Omurhia wa rre ehe hia, ore ẹre hia vuọn ne ukpokpo kevbe orhure.

Itan 12:19

Ohoghe i tọ, sokpan, etẹbitẹ ọ re ẹmwata khin.

Itan 12:22

E Nọyaẹnmwa khuiwu avbe ọhọn ohoghe, sokpan, ẹko ẹre ghi gha rhiẹnrhiẹn iran ni mu ẹmwẹ iran sẹ.

Itan 12:7

Emwa dan gha de nẹ, iran i ghi vbe sẹ emọ rae yotọ, sokpan, ẹgbẹe emwa esi ghi gha vbẹ yọ.

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Itan 19:9

Ọmwa ne ọ ta ohoghe vbe iko ẹzọ ne ọ gha le ọre fe irrọ, ọghọe fo nẹ.

Itan 21:23

U gha ho ne u ghẹ miẹn orueghe, gha roro ẹmwẹ u te tae.

Aizaia 63:8

E Nọyaẹnmwa khare wẹẹ, “Emwa mwẹ ọ re iran khin, iran i ra rẹrẹ mwẹ.” Rhunmwuda ọnii, ọ keghi miẹn iran fan

Emọs 5:14

Wa rhie ekhọe yọ ne uwa gha ru emwi ne ọ gbae, ẹ i re emwi dan, ne uwa miẹn ehe na diagbọnya. Ẹghẹ nii ọ re Nọyaẹnmwa ne Oghodua gha na yaba uwa zẹ vbene uwa ta ẹe na ighe ọ yaba uwa.

Kọlose 3:9

Wa ghẹ gha ta ohoghe ma egbe, rhunmwuda, wa ban egbe nẹdẹ mu fua nẹ, ke ẹe kevbe uyinmwẹ ọnrẹn.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Pita 2:22

Ọ ma ru a i ghẹ ru, a ma vbe miẹn ọmwa ne ọ họẹn ẹmwẹ ohoghe ọkpa vbe unu ẹnrẹn.