Psalm 34:11 - Edo Bible (E Baibol Ẹdo) Version 1996

¹¹ Wa larre, avbe igbama ne ọse mwẹ, ne uwa danmwehọ mwẹ, I gha ma uwa ẹre ne uwa gha ya ọghọ ne Nọyaẹnmwa.

Psalm 34:11 ပူးပေါင်းရင်းမြစ်များ

Job 4:11

Zẹ vbe oduma ne ọ ma miẹn emwi gbe ne ọ re, iran wulo, ivbi iran keghi zagha kua.

Psalm 107:9

Ọ sa amẹ ne iran ne ohanmwẹ amẹ gbe wọn ọ keghi ya emwi ne ọ maa vuọn iran ne ohanmwẹ gbe ẹko.

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Psalm 112:3

Ẹgbẹe ọre ghi gha re emwa ne emwi gue kevbe ni fe, agbọn gha wa ma rẹn rhinrin ẹdẹ.

Psalm 23:1

E Nọyaẹnmwa ọrọre ọsuohuan mwẹ, mẹ i vbabọ emwikemwi.

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Psalm 66:16

Wa danmwehọ wa hia ni ya ọghọ ne Osanobua mẹ gha vbe ta emwi ne ọ ru mẹ ma uwa.

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 22:6

Ma ọmọ vbene ọ gha yin hẹ, te ọ gha ye ẹre rre ọ te ya wu.

Itan 4:1

Ivbi mwẹ, wa gha danmwehọ emwi ne erha uwa ma uwa ẹre. Gbe ehọ kotọ, u gha vbe gha mwẹ irẹnmwi.

Itan 7:24

Rhunmwuda ọnii nian, ivbi mwẹ, wa danmwehọ mwẹ. Wa rhie ehọ ye ẹmwẹ ne I ta.

Itan 8:17

I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Itan 8:32

“Banbanna nian, wa danmwehọ mwẹ, wa ne igbama, wa gha ru vbene I khare, wa gha miẹn oghọghọ.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Aizaia 28:9

Iran hia gui ẹzọ mwẹ khian. Iran wẹẹ, “De ọmwa ne oko ni ro ighe rẹn ma ẹre emwi yi? De ọmwa ne ọ mwẹ emwi ne ọ ya uhunmwu ne ọ gie ru yi? Emọ ni da fian ewẹn ọkpa ọ re ọ gha mwẹ emwi ne ọ gha yae ru.

Iyẹn ne ọ Maan Ọghe Jọn 13:33

Ivbi mwẹ, I gha rherhe sẹ uwa rae. Wa gha gualọ mwẹ, sokpan vbene I ka tama avbe Ju ọre I ghi vbe tama uwa na wẹ, ‘Ehe ne I rrie, wa i ra sẹtin yo?’

II Timoti 3:15

U vbe rẹn wẹ, ke ẹghẹ ọvbokhan ruẹn gha dee, u keghi wa rẹn Ebe nii, ne ọ sẹtin rhie nuẹn ighẹ ẹwaẹn ni ne ọ su ọmwa la imiẹnfan, vbe ekpa ne a na ya Kristi Jesu yi.