Psalm 34:1 - Edo Bible (E Baibol Ẹdo) Version 1996

¹ I gha kpọnmwẹ Nọyaẹnmwa vbe ẹghẹ hia. Mẹ i ra dobọ urhomwẹ ọnrẹn yi ẹdẹ.

Psalm 34:1 ပူးပေါင်းရင်းမြစ်များ

Gẹnẹsis 20:2

Ọ keghi kha wẹẹ, ọtẹn irẹn nokhuo ọre Sera ne amwẹ irẹn khin. Abimẹlẹk ne ọba Gera na rhunmwuda ọnii ya rhie Sera la owa.

Gẹnẹsis 26:1

Ukhunmwu kevbe dọlegbe fi vbe otọ nii, ẹ i vbe re ne ọ fi vbe ẹghẹ Ebraham. Aizik na bu Abimẹlẹk, ọba avbe Filistin vbe Gera.

Psalm 71:6

Wẹ ọ re I ya egbe yan vbe ẹdẹ agbọn mwẹ hia wẹ ọ re ọ degue mwẹ ke ẹdẹ ne a biẹ mwẹ gha dee. Mẹ gha rho ruẹ rhinrin ẹdẹ.

Psalm 71:8

Te imẹ ra rho ruẹ ne ebi ro, I ghi vbe gha wewe uyi ruẹ.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Iwinna 16:25

Ọ ghi sẹ ogiasọn, Pọl kevbe Sailas kegha so ihuan, iran na gha na erhunmwu ghe Osanobua, avbe oleghan nekpa kegha danmwehọ iran.

Iwinna 5:41

Avbe ukọ keghi ladian vbe iko, ẹko iran keghi vuọn ne oghọghọ wẹ Osanobua vbe ka iran ye emwa ni sẹe ni gha rri oya efaa ba ẹmwẹ eni Jesu.

Ẹfisọs 5:20

Gha kpọnmwẹ Osanobua ne Erha emwi hia vbe ẹghẹ hia, vbe eni Nọyaẹnmwa Jesu Kristi.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

II Tẹsalonaika 2:13

Ẹ i mwẹ ma ma gha kpọnmwẹ Osanobua ne uwa vbe ẹghẹ hia, etẹn mwẹ, wa ne Nọyaẹnmwa ho ẹmwẹ ọnrẹn. Rhunmwuda, te Osanobua hannọ uwa zẹ, zẹ vbe emwa ne okaro ne a gha ya ẹtin nene Orhiọn miẹnfan, ne a miẹn ehe na ya uwa khian emwa ni re ọghe Osanobua tobọ ẹre, kevbe rhunmwuda iyayi ne uwa mwẹ ye ẹmwata.

I Samuẹl 21:11

Ẹre emwa ọba na tama Akis wẹẹ, “Ọna i re Devid ne ọba ẹvbo ẹre ra? Ọmwa na ọ re avbe ikhuo nii ya gha so ihuan vbe iran ku wẹẹ, ‘E Sọl gbele arriaisẹn inu nọkhin, sokpan, e Devid gbele arriaisẹn igbe inu nọkhin.’ ”