Psalm 33:3 - Edo Bible (E Baibol Ẹdo) Version 1996

³ Wa so ihuan ọgbọn ghe ẹre, wa ya iguemwi kpe akpata nii, ne uwa wee ne oghọghọ.

Psalm 33:3 ပူးပေါင်းရင်းမြစ်များ

I Krọnikol 13:8

Vbene Devid kevbe emwa nekpa na gha ya ẹtin iran hia iwu ne iran ya rhie ọghọ ne Osanobua. Iran kegha so ihuan iran na gha kpe avbe ẹzi kẹn, akpata ema, isẹ kevbe okpe.

I Krọnikol 15:22

A keghi zẹẹ Kienanaia ne ọ gha re ọkaolotu avbe Livai ne ikpemaba rhunmwuda ọ mobọ guẹ emwi ne a kpe ẹsẹse.

I Krọnikol 25:7

Iran eneyan ugie na keghi wa gha re emwa ni rẹn iwinna ni ẹsẹse: Avbe Livai ne ihua iran kevbe gha re ikpemaba ne a ma ẹre emwi guẹ. Iran hia kegha re arhin erẹnrẹn yan iyenẹ ọ ya yan uri (288).

II Krọnikol 34:12

Emwa ni winna iwinna na kegha re emwa ne ẹko ẹre rri ẹe. Avbe Livai enẹ ọ re ọ gha gbe aro ghe iran, ena ọ re Jahat kevbe Obedaia ne ivbi ẹwae e Merari, kevbe Zẹkaraia kevbe Mẹsiulam ne ivbi ẹwae e Kohat. (Avbe livai na hia kegha re emwa ni rẹn emaba ne a kpe ẹsẹse.)

Psalm 144:9

I gha so ihuan ọgbọn ne uẹn Osanobua, I gha kpe akpata, I ghi vbe so ihuan ne uẹn.

Psalm 149:1

Wa rho e Nọyaẹnmwa! Wa so ihuan ọgbọn ghe Nọyaẹnmwa; wa rho ẹre vbe uwu iko emwa rẹn ni ya ẹe yi!

Psalm 40:3

Ọ ma mwẹ ihuan ọgbọn ne I gha so ihuan urhomwẹ ghe Osanobua mwa. Emwa nibun gha miẹn ọna wan, iran ghi mu ẹtin iran, yan e Nọyaẹnmwa.

Psalm 40:4

Afiangbe ọrọre ọghe iran ni mu ẹtin yan e Nọyaẹnmwa ni ma gbee ghe ọghe ẹbọ ra ne iran kegbe ba iran ni ga ẹbọ ohoghe.

Psalm 96:1

Wa so ihuan ọgbọn ghe Nọyaẹnmwa; wa so ihuan ghe Nọyaẹnmwa, agbọn na hia!

Psalm 98:1

Wa so ihuan ọgbọn ghe Nọyaẹnmwa, ọ ru emwi ọyunnuan nibun nẹ. Ọ vbe ya ẹtin kevbe iwegbe ẹre ne ọ huanrẹn, miẹn akhọnmiotọ nẹ.

Aizaia 42:10

Wa so ihuan ọgbọn ghe Nọyaẹnmwa wa so ihuan urhomwẹ ọnrẹn, wa ne otọ agbọn hia. Wa rho ẹre, wa ni gua khian vbe okun wa rho ẹre, wa ne emwi ni rre amẹ, wa so ihuan, wa ne otọe urria kevbe emwa ni rrọọ hia.

Ẹfisọs 5:19

Wa gha ya ẹmwẹ e Psalm gu egbe guan, deba ihuan kevbe ihuan ugie, wa gha so ihuan kevbe Psalm ghe Nọyaẹnmwa, deba oghọghọ vbe uwu ekhọe uwa.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Arhie Maan 14:3

Arhunmwu arriaisẹn enẹyan-ikiọkhọe nii keghi mudia viọ aro da ẹkete kevbe avbe emwi ne a yi nii ma wu ni, kevbe avbe ediọn. Iran keghi so ihuan ọgbọn ne ọmwa rhọkpa i sẹtin ruẹ vbe ẹ i re iran ni ne a dẹwerriegbe nẹ ke uwu agbọn rre.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.