Psalm 33:2 - Edo Bible (E Baibol Ẹdo) Version 1996

² Wa ye emwi ihuan ne ọ mwẹ irri so ihuan.

Psalm 33:2 ပူးပေါင်းရင်းမြစ်များ

II Samuẹl 6:5

E Devid kevbe ivbi Izrẹl hia keghi wa gha ya ẹtin iran hia ku iran na gha so ihuan ne iran ya rho e Nọyaẹnmwa. Iran kegha kpe akpata, ẹgiọn, e ma, ẹgogo kevbe ukusẹ.

I Krọnikol 15:16

E Devid keghi tama olotu avbe Livai wẹ ne ọ zẹlẹ avbe Livai ne iran gha so ihuan kevbe ne iran vbe gha kpe akpata kevbe ukusẹ ọghe oghọghọ.

I Krọnikol 15:28

Ẹre ivbi Izrẹl hia na lele Ẹkpẹti Ile gha die Jerusalẹm deba uwemwẹ oghọghọ, kevbe urhu okpe, ẹkperẹ kevbe ukusẹ deba urhu akpata.

I Krọnikol 25:3

Iran ehan ne ivbi Jedutun ne ikpia, ighẹ Zeri, e Jesiaia, e Simẹi, e Hasiabaia kevbe erha iran ọ re ọ gha gbearoghe iran, iran ghi gha ta vbene Osanobua kha hẹ, vbene iran kpe akpata lele ẹe deba ihuan urhomwẹ kevbe ekpọnmwẹ ghe Nọyaẹnmwa.

I Krọnikol 25:6

Ivbi ẹre ni ikpia hia wa guara kpe isẹ kevbe akpata vbene erha iran na dia iran ne a gha rhie ẹre ba ugamwẹ Ọgua Osa. Ọba ọ re ọ gha ta ne a gha ru ma Asaf, Jedutun kevbe Heman.

Psalm 144:9

I gha so ihuan ọgbọn ne uẹn Osanobua, I gha kpe akpata, I ghi vbe so ihuan ne uẹn.

Psalm 149:3

Wa ya iku rho eni ẹnrẹn, wa kpe ema kevbe akpata ya gha rho ẹre.

Psalm 71:22

I gha gele ye akpata rho ruẹ, I gha rho a gia mu ẹtin yan ruẹn, Osanobua mwẹ I gha ye akpata mwẹ so ihuan ghe ruẹ ọmwa Ne ọ huanrẹn ọghe Izrẹl.

Psalm 92:3

Ne a gha ya emwi ihuan ne ọ mwẹ irri ru ẹe, kevbe ne ọ rhiẹnrhiẹn vbe akpata.

Psalm 92:4

Iwinna ruẹn nekhua ya ẹko rhiẹnrhiẹn mwẹ Nọyaẹnmwa mẹ so ihuan oghọghọ rhunmwuda iwinna ne u winnaẹn.

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Arhie Maan 14:2

I keghi họn urhu ke ẹrinmwi rre, ọ ye vbe uvanmwẹ amẹ ẹzẹ nọkhua ne ọ ke uhunmwu okuta rhọ ku otọ, ọ ye vbe avan nukhunmwu nọ khuarha kugbe. Urhu ne I họẹn keghi ye vbe ọghe avbe akpata ne avbe ọkpakpata kpee.

Arhie Maan 5:8

Ugbẹn vbe ọ ghi wa ru vberriọ nẹ, avbe emwi ne a yi ni ma wu nii, kevbe ediọn eneyanugie nii keghi dele gbe otọ vbe odaro Oteghe Ohuan nii. Ọkpọkpa vbe uwu iran kegha mwẹ akpata kevbe avbe ọkpan igoru ne a ye eturari vuọn, ena ni re erhunmwu emwa Osanobua.