Psalm 33:18 - Edo Bible (E Baibol Ẹdo) Version 1996

¹⁸ E Nọyaẹnmwa ọ re ọ gbearoghe iran ni ya ọghọ ne ẹẹn. Iran ni mu ẹtin yan ahoẹmwọmwa rẹn ne ẹi beghe.

Psalm 33:18 ပူးပေါင်းရင်းမြစ်များ

I Ọba 17:6

Ọ kegha sa amẹ ẹzẹ ni wọn, avbe ahianmwẹ kegha la ebrẹd kevbe emiowo gie ẹe ota vbe owiẹ.

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Ẹzra 8:22

Ekhue ma gunmwẹ nọ ọgbaisi wẹ ne ọ viọ ivbiyokuo ne ima ne iran gha su ima khian, rhunmwuda mẹ tama rẹn nẹ wẹ te Osanobua fiangbe, emwa hia ni mu ẹtin yan rẹn, sokpan, ọ ghi gha mu ohu emwa hia ni fi iyeke gbe ẹe, ọ ghi gha rri iran oya.

Job 36:7

Ọ degue iran ni re ẹmwata ọ ghi vbe giẹ iran gha khaemwisẹ vbe ọba. Ọ ghi vbe giẹ a gha ya ọghọ ne iran ẹdẹdẹmwẹdẹ.

Psalm 111:5

Ọ viọ evbare ne iran ni ya ọghọ ne ẹẹn; ẹ i vbe mianmian ile ẹre ẹdẹ.

Psalm 13:5

Ahoẹmwọmwa ruẹn ne ẹi fiwerriẹ ọre I mu ẹtin yan. I gha ghọghọ rhunmwuda, u gha miẹn mwẹ fan

Psalm 147:11

Sokpan iran ni ya ọghọ ne ẹẹn ọ re ọ ye ẹko rhiẹnrhiẹn ọẹn iran ni mu ẹtin van aho ẹmwẹ ọmwa rẹn ne ẹ i beghe.

Psalm 52:8

Sokpan, mẹ yevbe erhan oliv, ne ọ wan ladian vbe owa Osanobua ahoẹmwọmwa rẹn ne ẹ i beghe ọ re imẹ mu ẹtin yan ẹdẹ kevbe ẹdẹdẹmwẹdẹ.

Jerimaia 37:21

Rhunmwudọnii, e Zedekaia ne ọba na ghi wẹ ne a khui mwẹ ye ẹwẹdọ ne ọ rre ọre ẹguae. Evba ọ re I ghi gha ye, iran keghi gha mu ududu ẹbrẹd ọkpọkpa ke ehẹn ne a na le gunmwẹ ẹdẹgbegbe, a te miẹn wẹ ebrẹd fo vbe ore ẹvbo na hia fẹẹrẹ.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

I Pita 3:12

Rhunmwuda, te Nọyaẹnmwa wa rhie aro ye egbe ọmwata, ọ ghi gha họn erhunmwu ẹnrẹn vbe ẹghẹ hia. Sokpan, ọ ghi mu aro da iran ni ru emwi dan.”