Psalm 33:17 - Edo Bible (E Baibol Ẹdo) Version 1996

¹⁷ Avbe ẹsin okuo imwẹ asa vbe akhọnmiotọ, ẹtin iran nọkhua isẹtin miẹn ọmwa fan.

Psalm 33:17 ပူးပေါင်းရင်းမြစ်များ

Psalm 147:10

Ẹ i re avbe ẹsin ni mwẹ ẹtin ọ re ẹko rhiẹnrhiẹn yi, ra ne ọyẹnmwẹ gha sẹ ọe ye ẹmwẹ avbe ivbiyokuo ni wegbe.

Psalm 20:7

Arhin eso mu ẹtin yan ikẹkẹ okuo iran, eso vbe mu ẹtin yan ẹsin iran. Sokpan ma mu ẹtin yan ẹtin e Nọyaẹnmwa ne Osanobua ima.

Psalm 20:8

Emwa vberriọ gha rrua owẹ, iran ghi dele, sokpan ma gha kpaegbe, ma ghi mudia kpasi.

Itan 21:31

U sẹtin miẹn ẹsin viọ yotọ ne a ya yo igbinna, sokpan e Nọyaẹnmwa ọ re ọ rhie akhọnmiotọ ne ọmwa.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Aizaia 30:16

Wa keghi kun ẹẹn ne uwa hin ẹsin ni rhulẹ ẹsẹse lẹ fua vbe obọ eghian uwa. Ẹmwata wa nọ, ulẹ ọ re uwa gha lẹẹ, wa ro wẹ avbe ẹsin uwa wa rhulẹ ẹsẹse, sokpan iran ni khu uwa khian gha rhulẹ sẹẹ.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Giọgis 4:15

E Barak ghi wa ladian ke irẹn kevbe ivbi iyokuo ẹre, e Nọyaẹnmwa keghi fian otighi fi e Siseria ke ẹe kevbe ikẹkẹ okuo ẹre kevbe emwa rẹn egbe, E Siseria keghi tuorre vbe ikẹkẹ okuo ẹre, ọ na ye owẹ lẹ fua.