Psalm 33:16 - Edo Bible (E Baibol Ẹdo) Version 1996

¹⁶ Ẹi re rhunmwuda iyokuo ẹre ne ọ wegbe, ọ re ọba na khọnmiotọ, ẹi re ekpa ẹtin obọ ẹre ọ re ovbiyokuo ya khọnmiotọ.

Psalm 33:16 ပူးပေါင်းရင်းမြစ်များ

I Ọba 20:10

ọvbehe rre wẹẹ, “I gha viọ emwa ni bun rre ne iran do dunmwu ẹvbo ruẹ na an. Iran gha bun sẹrriọ wẹ te iran khian kpolo ebubẹ ọre mwẹ obọ gha rrie. Te avbe ẹbọ gha kinmwi mwẹ gbe ua a deghẹ I ma ru ẹe vberriọ!”

I Ọba 20:15

Ẹre ọba na mwamwa avbe ivbi iyokuo igbama viọ ne a vbe ogie isi, ehia kegha re eva yan ọgban ọya yan uri (232). Ọ kevbe tie ivbi iyokuo Izrẹl ladian, ehia kegha re arriaisẹn ihinrọn (7,000).

II Krọnikol 13:8

Banbanna nian, wa wẹ wa ra gu asẹ ọghe ọba ne Nọyaẹnmwa mu ne ivbi e Devid khọn. Ivbiyokuo uwa bun ẹsẹse, avbe ẹkhuia ẹmila igoru ne Jeroboam ru mu ne uwa wẹ enii ọ re Osanobua uwa.

II Krọnikol 20:12

We ọrọre Osanobua mwa! Rri iran oya, rhunmwuda, ma i miẹn emwi ọkpa ru vbe ehe ne ivbiyokuo ni bun sẹ nian na, ni gu ima khọn ye, ma ma rẹn emwi ne ima gha ru, sokpan, aro ruẹ ma ghi ghe ne iyobọ.”

II Krọnikol 20:23

Ivbiyokuo Amọn kevbe ọghe Moab keghi deyan ọghe Idọm, iran na lọkọ ehia a. Vbe iyeke ọnii iran keghi viọ aro da egbe gha gu egbe gbinna igbinna aranmwẹ oha.

II Krọnikol 32:21

E Nọyaẹnmwa keghi gie odibo Osa, ọ na ya gbele avbe ivbiyokuo kevbe avbe ekaokuo ivbiyokuo Asiria. Ẹre ọgbaisi Asiria na rhie ukpọn efa rhuan werriegbe gha rrie Asiria. Ẹdẹ ọkpa, ọ ghi rre aro ẹbọ ẹre, eso vbe uwu avbe ivbi ẹre ni ikpia keghi ya umozo gbe ẹe rua.

Job 36:7

Ọ degue iran ni re ẹmwata ọ ghi vbe giẹ iran gha khaemwisẹ vbe ọba. Ọ ghi vbe giẹ a gha ya ọghọ ne iran ẹdẹdẹmwẹdẹ.

Job 39:11

U gha sẹtin mu ẹtin yan ẹtin ẹnrẹn nọkhua ra, ne u gha khẹ ọre ne ọ do winna iwinna ruẹn ne ọ lọghọ?

Psalm 20:8

Emwa vberriọ gha rrua owẹ, iran ghi dele, sokpan ma gha kpaegbe, ma ghi mudia kpasi.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Ẹksọdọs 14:28

Amẹ keghi lẹ werriegbe rre, ọ na ro gue avbe ikẹkẹ okuo, iran nii gua ẹe kevbe ivbiyokuo Igipt hia nii lele ivbi Izrẹl la uwu okun, ọkpa ne ọ miẹn uhunmwu i rrọọ.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Jerimaia 48:14

“Ivbi e Moab, vbe uwa na kha hẹ yi ighẹ ọkhae wa khin? Ivbiyokuo ni din, ne a danmwẹ ghe nẹ vbe okuo.

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Hozia 10:13

Sokpan, u keghi ya kọ emwi dan, u na vbe rhọ ọmọ rẹn. U rrii ọmọ ne ohoghe ne u ta mọẹn nẹ. Rhunmwuda ne u na mu ẹtin yan avbe ikẹkẹ okuo ruẹ, kevbe avbe ivbiyokuo ruẹ nibun,

Emọs 2:14

Ya sẹ egbe iran ni guara rhulẹ, ọkpa ne ọ ra miẹn uhunmwu i rrọọ, ẹtin gha fo iran ni wegbe avbe ivbiyokuo i ra vbe sẹtin sinmwi uhunmwu iran ye agbọn.

Emọs 2:15

Iran ni fi uhanbọ i ra sẹtin rrọ emwi rhọkpa, iran ni kakabọ rhulẹ i ra sẹtin lẹ fe, iran ni hin ẹsin i vbe miẹn uhunmwu rhie ladian.

Jọsua 14:12

Rhunmwuda ọnii nian, mu ẹvbo uhunmwu oke ne e Nọyaẹnmwa ta ẹmwẹ ọnrẹn ma mwẹ vbe ẹdẹ ne ima vbe emwa mwẹ do na iyẹn mẹ. Ma tama uwa ẹghẹ nii wẹẹ avbe Anakim ne arhuanran rre evba vbe uwu ẹvbo nọkhua ne a gbe ekẹn gaa. Ọ gha ke ẹe, e Nọyaẹnmwa gha rrọọ ya ba mwẹ, I ghi khulo iran ladian zẹ vbene, e Nọyaẹnmwa khare.’ ”

Giọgis 7:2

E Nọyaẹnmwa keghi tama e Gidiọn wẹẹ, “Emwa ne u hẹ mwẹ bun gbe ne I gha gie ẹe khọnmiotọ vbe uhunmwu emwa Midian. Iran sẹtin gha ro ighẹ iran ọ tobọ iran khọnmiotọ, iran i vbe tian mwẹ.

Giọgis 7:4

E Nọyaẹnmwa keghi tama Gidiọn wẹẹ, “Emwa ye bun gbe. Viọ iran gha rrie ẹzẹ, I gha wannọ iran ne uẹn vbe evba. I gha wẹ ọmwa gha leluẹ gha khian, ọ gha yo. I gha kha wẹ ne ọmwa ghẹ leluẹ yo, ẹ i yo.”

I Samuẹl 17:4

Okpia ọkpa ne a tie ẹre Golaiat, ne ovbi ẹvbo ne a tie ẹre Gat, keghi ke uwu ẹbu avbe Filistin ladian, ọ na do si ivbi Izrẹl evẹn. Utanmwẹ ọnrẹn gberra ibata ihinrin,

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.