Psalm 32:4 - Edo Bible (E Baibol Ẹdo) Version 1996

⁴ Ke asọn kevbe avan ọ re u ya rriọmwẹ oya, Nọyaẹnmwa, orhiọn ni mwẹ fo fẹẹrẹ, zẹ vbene ovẹn uyunmwu ka evbu.

Psalm 32:4 ပူးပေါင်းရင်းမြစ်များ

Job 16:21

I gualọ ọmwa ne ọ gha rinmwian Osanobua mẹ, zẹ vbene ọmwa rinmwian ne ọse ẹre.

Job 30:30

Ikpakpa egbe mwẹ keghi khian enekhui, egbe mwẹ tọn rhunmwuda ọnii.

Job 33:7

Rhunmwuda ọnii, emwi ọkpa ne Ọ gha ya ohan mwẹ gha muẹn, ẹ i rrọọ, mẹ i ra de yan ruẹn.

Psalm 22:15

Ẹho mwẹ kae zẹvbe ikpekhae, aranmwẹ mwẹ, keghi sikan mu ighehe mwẹ. U sẹmwẹ rae zẹvbe orinmwi ye uwu ebubẹ.

Eve Orriara 4:8

Banbanna nian, iran lovbiẹ ku adesẹ ore zẹvbe emwa ne a ma rẹn. Ugbaro iran siere ua ba mwẹ uwu, ikpakpa egbe iran kae vbe erhan, ehia sikan mu ugboloko iran.

Eve Orriara 5:10

Te ohanmwẹ ghi ya egbe mwa tọn ne oni a te miẹn wẹ te ikpakpa egbe mwa ghi tọn vbe aroewu.

Ebe Rut 1:13

wa gha ziengbe ne iran wan rre nẹ wa ke rọnmwẹ ọdọ ra? Ọnii gha wẹ ne uwa ghẹ ghi rọnmwẹ ọdọ ọvbehe ra? Ivbi mwẹ, wa rẹnrẹn ighẹ ọ na i gia ru. Nọyaẹnmwa mu aro ne ọ khọ da mwẹ nẹ, ọ kakabọ da mwẹ ne uwa.”

I Samuẹl 5:11

Iran keghi vbe rhunmwuda onii dọlegbe tie enigie isẹn nii, iran tama iran wẹẹ, “Wa mu Ẹkpẹti Ile ọghe Izrẹl werriegbe gha rrie ihe ẹre ne ọ ghẹ do gbele ima gbele ima emọ.” Ẹvbo hia kegha hu yo hu rre rhunmwuda Osanobua rri iran oya ẹsẹse.

I Samuẹl 5:9

Sokpan, ọ ghi sẹ evba e Nọyaẹnmwa keghi rri ẹvbo ni oya ọ keghi fian otighi fi iran egbe. Osanobua keghi ya uruvba ne ọ munọ emwa rri iran oya, ọ keghi munọ emwa hia ke ibiẹka kevbe eniwanrẹn.

I Samuẹl 6:9

Wa ghi gha ghe ẹre vbe ọ khian. Ọ gha laghe odẹ Bẹt Siemẹs, ọ rhie maa wẹ Osanobua ọghe ivbi Izrẹl ọ re ọ gie avbe emwi ni wegbe na rruan uwa, sokpan, a deghẹ ọ ma ru vberriọ, a ghi rẹn wẹ ẹ i re irẹn ọ re ọ gie emianmwẹ ni rre, vbene emwi defi nọ.”