Psalm 32:10 - Edo Bible (E Baibol Ẹdo) Version 1996

¹⁰ Ẹi mwẹ ne ọmwa dan ghẹ rri oya, sokpan, iran ni mu ẹtin yan e Nọyaẹnmwa ahoẹmwọmwa rẹn ne ẹi beghe, degue iran.

Psalm 32:10 ပူးပေါင်းရင်းမြစ်များ

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Psalm 147:11

Sokpan iran ni ya ọghọ ne ẹẹn ọ re ọ ye ẹko rhiẹnrhiẹn ọẹn iran ni mu ẹtin van aho ẹmwẹ ọmwa rẹn ne ẹ i beghe.

Psalm 16:4

Ọlọghọmwa nibun, ọ re iran si ye egbe iran egbe ighe iran ni khirhi lele ẹbọ khian. Mẹ ira ga ẹbọ iran.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 34:8

Wẹ tobọ gualọ otọ ẹre miẹn vbene Nọyaẹnmwa maa hẹ. Afiangbe ọrọre ọghe iran ni lẹgbinna ẹẹn.

Psalm 40:4

Afiangbe ọrọre ọghe iran ni mu ẹtin yan e Nọyaẹnmwa ni ma gbee ghe ọghe ẹbọ ra ne iran kegbe ba iran ni ga ẹbọ ohoghe.

Psalm 5:12

Wẹ ọ re ọ fiangbe iran ni họn ẹmwẹ ruẹn Nọyaẹnmwa. Ahoẹmwọmwa ruẹn ọ re ọ degue iran zẹ vbe asa.

Psalm 84:12

Osa ne Oghodua, afiangbe ọghe iran ni mu ẹtin yan ruẹn.

Itan 13:21

Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Itan 16:20

Gha danmwehọ emwi ne a ma ruẹn re, ọ gha dunna nuẹn; mu ẹtin yan e Nọyaẹnmwa, ẹko gha sẹ uẹ ọyẹnmwẹ.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Aizaia 57:21

Egberọkhọmwẹ i rrọọ ne emwa orukhọ,” erriọ Nọyaẹnmwa khare.

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.